Tao O.
黑色橫間併皮背心裙 $24,899
Gareth Pugh

Tao Okamoto“日模應學中國模”

實不相瞞,我係小心眼之人,成日估人點諗。
刻下中國女模紅爆國際,作為同洲同種的日籍超模岡本多緒(Tao),點都覺得有威脅或被搶飯碗吧?
Tao一副淡定,強調自己冇輸蝕,相反,大陸市場開放,造就自己更多機會登上國內雜誌,活躍範圍更大云云。
此謂大將之風也。
06年,她踏上巴黎時裝周,現在,models.com排46,也是唯一上榜的日模,跟劉雯、孫菲菲、奚夢瑤等國產代表分庭抗禮。
她卻謙稱:「日本模特兒應該跟中國模特兒多多學習。」官腔式行貨,驀然殺出一句,「我喺後台成日聽到佢哋用中文傾偈,好羨慕,如果多啲日模就好啦……!」
得體背後,酸溜溜的葡萄味已不經意地滲出了。

Profile
 

Tao Okamoto 岡本多緒
出生日期:1987年5月22日(雙子座)
出生地:日本千葉縣
身高:5呎10吋
體重:97磅
三圍:33-23-34
語言:日語及英語
簡歷:04年,簽約日本模特兒公司Energy。06年,為巴黎時裝周行騷。08年,剪了一頭bob短髮,迅即成為個人icon。09年,春夏季共走了50場騷,成為當紅日本超模。
主要作品:廣告,Moschino(07),Ralph Lauren(09),Kenneth Cole、Gap、Zac Posen、Uniqlo Jeans(10年),D&G、 Kenzo(11),Emporio Armani(12年)。
博客:http://ameblo.jp/okamoto-tao

日本市場太細 
Tao出世前,開補習社的父親原打算改名叫「丹生」,皆因其母一直以為腹中肉是男丁,誰知呱呱落地女兒身,最終改名Tao,道家的道;不過,Tao總算繼承了「男仔」特質——生得高。「曾經好在意高度,中學時,經常被同學取笑,令我非常尷尬。」為了融入「小矮人」學校,每朝早會,她刻意曲膝排隊,不希望自己太突出。「當時冇乜自信,覺得自己係怪人,但當我被模特兒公司發掘之後,呢一份怪嘅感覺,反而變成自信來源。」 19歲,闖巴黎,見識過大場面,方發覺自己的外形只適合跑國際賽,更加速她疊埋心水強攻歐美的決心。「日本市場只鍾情可愛型女仔,我呢類型,市場太細。「我去時裝周,目的希望俾更多人知道,日本女仔都有個性美,都可以當超模。」條條大路通羅馬,與其繼續表參道「怪人」生涯,倒不如練大個膽跳出家鄉,成就更輝煌事業。事實證明,Tao揀得啱。「日模應向中國模學習,嘗試各種形象,natural、有型等,唔可以只賣可愛,才會有更多發展機會。」

令自己無可取替 
踏過巴黎台板,以為一切會順風順水,兩年後,卻去到一個無可避免的膠着狀態,事業沒大起色,梗要諗計仔。「當時覺得好多騷冇咗我都得,好失落,但我唔可以因此被打沉,一得閒就諗,點樣才令人覺得Tao係無可取替呢?「決定剪短頭髮。」果然,大剪一揮,將霉氣剪走,短髮令不少設計師眼前一亮,09年,行足50個品牌,又被style.com選為「Rising Star」!認真時來運轉。「依家睇,係天時、地利、人和,全部安排到一個最好位置。」轉look,也轉公司,基地搬去紐約。「我都估唔到髮型轉變會有咁大迴響,好記得,當日Phillip Lim見到新髮型,即刻搵我打頭陣行騷!」自此,Tao深明一個成功模特兒,絕不能忌變。學嘢啦!

Tao's tips  
Q:有甚麼化妝護膚心得? A:UV護理最重要,我日日都搽防曬粉底,免皮膚被曬傷。 Q:最喜愛哪些fashion item ? A:手袋和one-piece,家裡擁有最多不同顏色、種類和print的one-piece。

鍾意日本男仔 
日日對住五光十色靚人靚景,正值24歲的Tao,起初話自己冇拍過拖,我死都唔信,迫佢講真話。「試過被外國男仔追求,date過吓,通常男方都係對異國文化有興趣,思想較open;「第一任男友係英國人,文化差距太大,未必溝通得好,我都係比較鍾意日本人。「揀對象,志趣相投最重要,有夢想嘅男人最吸引。「我同其他日本女仔一樣,希望經歷結婚生仔,如果對方接受,也希望繼續模特兒工作。」別以為,雙子座只會眷戀多姿多采的生活,她甚少去蒲,宅女一名。「我生活平凡,有時間的話,寧願留喺屋企休息,又或者去百老匯睇舞台劇。「雖然,身邊有好多朋友,但我唔係好鍾意成日煩住人哋,寧願自己一個人靜靜哋過日辰。」超模心態,深閨得很,呢一點都幾反高潮。

後記 
大抵衫再靚,行行企企都會悶,何況Tao有一個精打細算的母親,謀後路,真不愁。早年,Tao媽開了一間時裝店,機關算盡搵埋個女做生招牌,兼計埋人脈,算盤打得響,難怪行了catwalk 6年,榮升超模,她也坦言「開始揀騷行!」

Shop List  
Chanel 中環太子大廈G18-20號鋪 2810 0978 Fendi 中環置地廣場G18號鋪 2524 1339 Gareth Pugh 中環雪廠街10號地下 2801 5332 Givenchy 尖沙咀海港城海洋中心142號鋪 2735 2361 I.T 金鐘太古廣場252號鋪 2918 0667 Joyce 中環皇后大道中16號地下 2810 1120 Lane Crawford 中環國際金融中心3樓 2118 7683 ####


92年
雙親雖然恨仔,但Tao仍然是家中的小公主!


11年《V Magazine》
剪短髮後即成為潮流雜誌的寵兒。


Cynthia Steffe 07 F/W
長頭髮,形象未見突出。


Chanel 12 F/ W
老佛爺季季都欽點Tao行騷。


12年 Emporio Armani 最新廣告,被Armani睇中嚟香港拍攝。


10年China《VOGUE》目前,全球最紅5個亞洲女模,Tao以唯一日人身份跟其餘四名國內名模較勁。


Tao O. 粉紅色綴金屬釦恤衫粉紅色燕尾西裝褸粉紅色連腰封貼身長褲杏色高踭鞋銀色牛角形吊墜長頸鏈(均未定價) all Givenchy by Riccardo Tisci


Tao O. 白色拉鏈闊身上衣 $4,699 Maison Martin Margiela from I.T 白色併網布半截裙 $24,300 Hakaan from Joyce 黑色通窿皮腰封 $22,600 Alexander McQueen 金色鏤空粗手鈪 $5,900(右)、$5,300(左) both Pierre Hardy all from Lane Crawford


Tao O. 黑色喱士jumpsuit $25,500 黑色綴閃石粗手鈪 各$16,500 all Chanel 黑色閃石領飾 $16,500 Erickson Beamon from Lane Crawford 黑色高踭鞋(未定價)Givenchy by Riccardo Tisci


Tao O. 黑色立體刺繡晚裝 $39,620 Fendi 黑色喱士釘珠頭套 $17,900 Alexander McQueen 金色橢圓形戒指 $2,999 Maison Martin Margiela both from Lane Crawford

文章標籤

創作者介紹
創作者 litalife 的頭像
litalife

818 娛樂八掛大放送★

litalife 發表在 痞客邦 留言(0) 人氣()