面黑黑早前在《師奶 Madam》造型中,黃翠如同黃心穎全程笑騎騎,反而黃智雯就黑口黑面。 

真面目

轉組改運 《 On call II》戲少冇癮 黃智雯嬲爆過底

無綫姐仔爭位激烈,尤其班一線尾二線頭花旦,要前抗新女後拒外援,分分鐘失寵被打入冷宮都唔知乜事!
好似去年在台慶頒獎禮中勇奪飛躍女藝員獎的黃智雯,得獎後不但冇飛躍反而下插,在《 On Call 36小時 II》中慘變第三女主角,據知最近心淡智雯甚感冇癮,決定過底,由梁家樹跳到曾勵珍馬房搵生路。可惜以 TVB拍劇傳統,二五女通常冇乜好下場喎!

 

今個月中就踏入 31歲的黃智雯,於正在出街的《 On Call 36小時 II》中,不論戲分及宣傳排位都被上屆港姐季軍朱千雪壓住,上位路被阻條氣已經唔順,最慘係連恩師監製潘嘉德,下年開重頭戲《醋娘子》竟然都冇預佢一份。


週日( 1日), TVB拉大隊到大馬出席頒獎禮,黃智雯總算憑《 On CallⅡ》美雪一角獲得我最喜愛的角色獎項。網上圖片 

分頭行影完大合照,黃智雯即時彈開,黃翠如亦從相反方向閃人,費事碰面口啞啞啦! 

監製冷待


去年台慶頒獎禮攞埋「女飛躍」,不過黃智雯飛唔起,今年更由女二變女三。 

連番打擊令黃智雯愈做愈心淡,最近更毅然過底,轉組至珍姐曾勵珍馬房,情願在珍系監製李艷芳所開新劇《師奶 Madam》中擔任女二,被黃翠如壓住,甚至隨時被後起黃心穎追上亦在所不計。
TVB戲劇部一向分為梁家樹及曾勵珍兩大馬房,而黃智雯貴為梁旗下監製潘嘉德的御用女角,順理成章為梁派愛將,如今黃智雯忽然過底,亦確實令人意外。知情者說:「黃智雯由德哥(潘嘉德)捧紅,即係 Tommy(梁家樹)啲人啦,珍姐嗰邊啲監製好少會用,所以今次 Sa姐(李艷芳)套《師奶 Madam》有黃智雯,大家都好意外。」

速減戲分

冒住二五女惡名都要過底博生機,據知黃智雯對自己片中表現亦頗緊張,雖然《師》劇開拍冇耐,但黃已不停追問監製李艷芬覺得自己表現如何,但可惜李的反應頗冷淡,只說:「我都未睇啲片喎,唔知你做成點!」而李亦確實只關心愛將黃翠如的開工情況,除了經常落手落腳為黃翠如整理頭髮外,更主動減少黃智雯的戲分,令黃智雯的戲分只僅比女三黃心穎多少少。新環境新開始,黃智雯又要再捱過啦!

轉組搏過

《師》劇開工幾日,有線幫嘅黃翠如同梁嘉琪好精靈,黃智雯呢個女二都唔易做,不過既然《 On CallⅡ》搞到咁冇癮,轉組博吓未嘗不可囉!

新劇冇份


網上圖片 

潘嘉德下年套重頭劇《醋娘子》有愛將羅仲謙,但係女二就換咗岑麗香,黃智雯冇得留低!

《 On CallⅡ》失威

出緊街嘅《 On CallⅡ》除咗宣傳海報俾朱千雪壓住外,劇中仲要配上四線袁偉豪,擺明降咗呢!


 


網上圖片 

潘嘉德在《搜下留情》中將黃智雯打造成鵪鶉妹,成為黃的恩師,不過開新劇竟然冇預愛將,難免令人心淡喎!

拖實珠寶高層

事業唔如意,好在黃智雯感情有着落,今年 8月同謝瑞麟珠寶集團副董事詹文天撻着,二人不時被影到偷偷撐枱腳食飯,不過黃智雯例牌話自己同詹文天了解當中,死唔認拍拖。


雖然經常被影到撐枱腳,不過黃智雯話:「食一次半次飯未必了解太多!」《蘋果日報》圖片 

人稱詹 Sir的詹文天年僅 35歲,主要負責推廣及宣傳,同娛圈中人頗熟絡! 

採訪、撰文、攝影:娛樂組

arrow
arrow
    全站熱搜

    tvb4life 發表在 痞客邦 留言(0) 人氣()