去年 8月訂終生「玩具大王」蔡志明細女蔡加怡，去年 8月下嫁任職設計師的陳漢驄。當時二人於會展筵開 80席，蔡志明更取笑女婿執到。
名人潮
阿媽催趕工造人 蔡加怡佗 B五個月
玩具大王蔡志明家族喜事連連。繼今年 6月，長女蔡加敏誕下第三胎男孫 Kaden；下周六（ 30日），孻仔蔡加讚迎娶甄子丹姨仔汪圓圓，於會展豪擺 160席。去年下嫁設計師陳漢驄的細女蔡加怡，原來亦密密努力造人，成功為蔡家添孫。
上周六（ 16日），本刊拍得蔡加怡孖住老公出動掃聖誕禮物。佗住 5個多月 BB的她，巨肚逼爆 tee恤。現場所見，她手腳纖瘦，步伐輕盈，明顯長胎唔長肉。一向作風低調的她，於鬧市刻意用外套遮實巨肚。
有仔趁嫩生！（設計對白）蔡加怡母親李惠莉一向贊成女兒生多些小朋友。即將抱孫，難怪她早前出席活動時零舍風騷。
阿媽催生
誰知，原來蔡加怡亦靜靜雞為蔡家增添新成員。開辦幼兒園的蔡太蔡李惠莉，曾開口催女兒生仔，「我叫佢盡量生，我開幼兒園，留晒學位俾啲孫㗎喇，越多越好。」
阿媽公開催生 B，蔡加怡唔聽話唔得。今年 7月，一直對生仔一事採取拖字訣的蔡加怡，出席媽咪旗下幼兒園的畢業禮時，突然轉口風，表示隨時生 B，「其實隨時 ready，都會俾家姐感染，見到佢啲小朋友咁得意。我仔女都鍾意，最少生兩個，熱鬧啲開心啲。」原來當時她已懷了個多月身孕，不過為免小器，故冇透露半句。
街頭親熱上周六（ 16日），本刊拍得蔡加怡與陳漢驄到銅鑼灣行街，其間二人表現親密，不時在街上互攬。 
巨肚首曝光現時懷孕 5個月的蔡加怡腹大便便，雖然當日她身穿白色鬆身 T恤，又刻意用外套遮肚，但依然肚凸凸。
湯水谷胎
去年蔡加怡結婚時，出手闊綽的蔡志明，送了市值四億的九肚山獨立屋給女兒作嫁妝。婚後她與老公入住九肚山愛巢，與娘家為鄰。蔡加怡懷胎後，蔡家上下當然緊張，有媽咪及家姐輪流燉靚湯，她足不出戶，靜靜於獨立屋安胎。「 Carmen（蔡加敏）生仔咁有經驗，佢最幫得手。隔日就叫個妹飲花膠雞湯，仲有粟米紅蘿蔔等清潤湯水，加埋蟲草粉沖水，對長胎好有幫助。」身邊密友透露。
上周六（ 16日）下午 6時，蔡加怡終於出關與老公到銅鑼灣掃聖誕禮物。她身形向來纖瘦，手腳未見有水腫，步伐相當輕盈。不過佗有 5個多月的她，巨肚亦頗突出，當日穿上的 tee恤也被逼爆，她不時拉上外套遮掩。二人走到時代廣場的地庫揀聖誕禮物，蔡加怡表現雀躍，邊睇邊笑唔停，意見多多，看來連月閉關養胎的她，似乎悶到發慌。行了不足半小時，他們便埋單走人。等車期間，老公陳漢驄全程傍住蔡加怡，二人竊竊私語，猶如熱戀中情侶。
周一（ 18日），本刊致電蔡加敏，聽到有關妹妹懷孕的提問時，她明顯煞有介事，不欲多談。不過最終亦表示全家都好開心兼好忙，「嚟緊加讚結婚，大家都比較忙。我同媽咪都會煲啲湯水俾佢（蔡加怡），醫生就佢自己搵，你都係問番佢啦！」
至於蔡加怡，電話一直駁到留言信箱，截稿前仍未聯絡得上。
司機傍上車大肚婆出街要十分小心，當日司機就傍實蔡加怡上車，然後慢駛返回九肚山大宅。 
添置聖誕燈飾當日蔡加怡到銅鑼灣時代廣場的 log on，買聖誕老人自動爬梯的燈飾裝置，盛惠千五蚊，唔算太貴。 
家住九肚山四億獨立屋的蔡加怡，早前就擲下億元買天賦海灣三個單位。《蘋果日報》圖片
蔡家喜事多
從事玩具業、物業投資的玩具大王蔡志明，家中喜事一單接一單。細女蔡加怡有喜懷有馬 B外，另外兩姊弟先後宣布喜事， 13年添孫兼娶新抱，開心事接二連三。
6月添孫長女蔡加敏與前全國政協委員、佳寧娜控股主席馬介璋的兒子馬鴻銘結婚 6年，育有一女及孖仔。今年 6月，她於父親節剖腹誕下第三胎囝囝 Kaden。《蘋果日報》圖片 
11月娶新抱現年 27歲的蔡加讚，與甄子丹姨仔汪圓圓拍拖兩年多，終於拉埋天窗。下周六（ 30日），二人於灣仔會展筵開 160圍無翅婚宴。
名人 model多產事
除蔡加怡下年 4月生 B外，其實踏入 2014年，社交界不少名人 model都趕住生，認真多喜事。
42歲黎姿
退出娛圈的黎姿，已先後為富商馬廷強誕下三位千金。一直希望生仔的她，近日就被傳終懷下男胎，預產期為下年夏天。
34歲諸葛紫岐
去年下嫁 Neway二少薛嘉麟的諸葛紫岐，雖然曾經歷小產，但今年中終成功再懷男丁，預計明年 1月出世，趕做蛇仔。
28歲 Cara G.
混血女模 Cara G.與老公 Jesper婚後積極造人，現時懷 B女 5個多月的她，準備於下年 3月在瑪麗醫院自然分娩。
留言列表
