| 34D袁嘉敏:我可以全裸 |
09年香港小姐最上鏡小姐袁嘉敏（Candy），在無綫四年主要被分派當主持，唯獨早前因飾演Laughing嫂而一度升呢為高登女神，惜只是曇花一現。
現年廿八歲的她，有樣有身材，近日跟無綫約滿，即爭取回復自由身，決心憑34D、23、34天賦本錢向影圈進發。繼替男性雜誌以內衣拍性感封面外，日前她又換上比堅尼，大騷噴血身材。為前途拼搏的她直言︰「我身形係天生嘅，我係好大胸，條腰又幼。我最想拍戲，若果劇情有需要，我唔介意裸露。」
昔日無綫抗拒Candy行性感，但已是自由身的她，即三點式解放，大晒噴血身材。
曾擔任導演陳可辛助手的她，雙方關係友好，早前對方的新戲首映禮，她（紅圈）也獲邀出席。
方向不同
在無綫四年的Candy，一直默默耕耘擔任《東張西望》外景主持，日跑十多小時走訪四單活動，踩足兩年半都沒有放假，可惜拍劇機會卻少之又少，直至前年客串《潛行狙擊》，憑戲中跟Laughing哥的激烈牀戲而上位，可惜未有其他角色承接，火速打回原形。
一心想演戲的她，跟無綫要她當主持的方向大相逕庭，近月約滿的她把心一橫決定向外闖，Candy說︰「之前同公司都傾咗成個月，始終佢哋想我做平實嘅主持，但我唔係想做陳芷菁，作為藝人想有更多變化，我真係想演戲，想有新嘅挑戰。其實大家方向唔同，傾傾吓都有啲僵，而且加薪幅度好少，最終我睇唔到將來可以做『視后』，所以咪鼓起勇氣揀自由身，依家自己接job。（同無綫嘅關係係點？）普普通通，佢有啱嘅工作搵我，我都會做。」
擅用天賦本錢的Candy，身材玲瓏浮凸，她表示自己身形較嬌小，但勝在均勻，因腰幼而令上圍顯得大。
全站熱搜
留言列表
