39歲嘅蔡少芬,確係精力過人。同老公囡囡食個快飯,就急急腳走人返劇組開工,仲邊行邊吩咐助手做嘢,女超人呀!
蔡少芬買一送三
生完 B只係 3個幾月,蔡少芬已經馬不停蹄去上海拍新劇,真係唔頒個「真心勤力阿媽獎」俾佢都唔得!

拍緊時裝劇嘅蔡少芬,朝早開完工,趁中午放飯,滾水淥腳都要同老公囡囡去麥當勞食個 lunch。佢全程攬住 B女信兒唔願放,張晉就靜靜玩電話。反而嗰位疑似張媽媽嘅嬸嬸猛同坐喺對面嘅楚兒玩,好鬼 high!
啊……你係咪開始諗緊啲衰嘢?想話張晉由得老婆咁辛苦,自己就印印腳嘆世界?錯晒呀!媽咪姐獲悉,記者喺上海撞到放緊假嘅張晉,仲帶埋大女楚兒同 B女信兒飛埋上去陪老婆開工。
呢個武指出身嘅大男人,真係落手落腳湊女,陪食陪玩,照顧周到。鐵漢柔情,咪就係呢啲囉!講時講,搵蔡少芬拍戲確係 good呀,佢人靚演技好唔在講,仲要俾一份人工,一家大細都出動埋,當幫部劇提早宣傳都抵啦!

食完魚柳包,張晉帶楚兒去兒童樂園玩。囡囡唔敢玩滑梯, 39歲嘅佢仲身先士卒,自己玩埋一份,但阿女最後都係縮沙。

玩完一輪,楚兒扭爸爸抱抱,細女信兒就由疑似張媽媽湊住。望真啲, 3個幾月嘅信兒圓碌碌、白白淨,唔怪之得蔡少芬叫佢做包子。
循環再着

媽咪姐發現,今年 5月蔡少芬為大女楚兒喺油塘冒險樂園搞生日會着過嘅紅色熊貓衫,呢日喺上海又着番。確係知慳識儉。同蔡少芬做咗 friend嘅栢芝(中)要學吓嘞。

arrow
arrow
    全站熱搜

    tvb4life 發表在 痞客邦 留言(0) 人氣()