瞓夠鬼馬笑
傍晚六時, Sammi在酒店休息幾小時後狀態回勇,步出酒店準備去慈溪體育館表演時,一見有 fans拍照,即時整「鬼馬樣」回禮。

娛樂喧
杭州騷低調拍拖銀  Sammi安仔情侶價吸 250萬人仔
娛樂圈情侶檔出騷向來特別吃香,酬勞分分鐘係天價。本刊收到消息,翻撻後首次以情侶姿態接內地騷的 Sammi(鄭秀文)與許志安,上周六( 29日)齊齊到杭州慈溪登台,共收 250萬人仔。
雖然同場做騷,但 Sammi與安仔竟保持距離。當日早上兩人前後腳抵達杭州機場,先到酒店安頓,其後到正式表演時他們都沒有同台,非常避忌。據知貴為天后級的 Sammi不用綵排,更打頭陣第一個出場,威到盡。難怪有傳有份演出的周麗淇非常不滿,曾向有關單位投訴。
同人唔同命, Sammi嘅騷價同待遇,周麗淇恨唔到㗎喇!

6月 29日在杭州慈溪舉行的「慈溪香港群星演唱會」,邀請了鄭秀文、許志安、李克勤、陳小春及周麗淇等十位港星演出,卡士如此強,票價由 480至 2,680人民幣不等。單計門票收入已超過三千萬,據知一眾港星出騷價亦非常可觀。
當中騷價最高的,就是翻撻後首次情侶檔演出的 Sammi與安仔,二人的騷價合共 250萬。知情者說:「依家啲大陸騷愈來愈好搵,佢哋俾得起錢嘛!又唔要求歌星有咩特別表演,最緊要夠紅。今次個單位講明要 Sammi同安仔,仲肯俾成 250萬人仔, Sammi收 150萬,安仔就 100萬,都只係唱幾首歌。不過 Sammi經理人郭啟華講明唔可以情侶合唱, Sammi同安仔亦唔會同台。」相比 Sammi的單拖接騷價約 100萬,今次足足多五成,安仔則比平時收多 20萬。
到埗冇精神

上周六( 29日),約三十名保安人員一早到達 Sammi入住的「杭州灣大酒店」,迎接各港星到場。坐了幾粒鐘飛機的 Sammi,明顯一臉倦容。
貴飛睇 mon
慈溪體育館是露天表演場,可坐三萬觀眾,由於地方太大,即使買$1,500門票,都只能遠望台上表演者,想睇清楚 Sammi同安仔,惟有睇大熒光幕啦。

同場唔同台
上周六( 29日)早上十時, Sammi一馬當先步出杭州機場,她刻意與男友安仔分開出閘,同行還有李克勤、梁漢文及王梓軒等。雖然未有大批 fans迎接,但大會亦安排約三十名保安維持秩序。眾人坐上保母車,再經一小時車程到達「杭州灣大酒店」稍作休息。其後周麗淇、陳小春、鍾欣桐等人紛紛到達,隨即逐一到會場綵排。
眾港星都為演出努力綵排,不過一直在酒店房休息的 Sammi卻有豁免權,因而令同場演出,收 30萬酬勞的周麗淇有微言。知情人士透露:「 Niki覺得好唔公平,點解人哋騷價高咁多又唔使綵排,所以佢同助手發脾氣,仲向主辦單位投訴㖭!不過佢對住其他歌手又扮冇事喎!」
享有特權的 Sammi當日下午六時才步出酒店,還一臉風騷與在場 fans打招呼。這場「慈溪騷」由 Sammi打頭陣表演,三萬現場觀眾即時 high爆。其間台下觀眾不斷高呼許志安的名字,要求兩人合唱,不過 Sammi全部充耳不聞。隨後其他港星逐一上台,全晚歌曲都以快歌為主,李璨琛更任 DJ表演打碟,令全場氣氛高漲。
分開行

上周六( 29日)早上十時,安仔與 Sammi同一班機由香港飛杭州,但兩人刻意分開出閘,情侶演出卻玩低調。
工作飛不停

貴為天后的 Sammi行程緊密不停飛, 6月 29日「慈溪騷」表演完,翌日便飛北京做《盲探》首映禮,同華仔擺甫士做宣傳。
新人賣力
當日下午陸續有港星到會場綵排,其中收 10萬酬勞的王梓軒一早試唱。表演騷門票並不便宜,但大多數坐位都是膠凳,而且距離舞台勁遠。

過房拍拖
「慈溪騷」晚上十時半完場,一眾港星全部未有外出消夜或夜蒲。據知 Sammi與安仔完騷後選擇留在房間內叫 room service醫肚,難得一齊出騷都堅持低調拍拖。翌日早上六時眾人出發返港, Sammi與安仔雖然同機返,但步出香港機場都一樣係前後腳。少啲拍拖曝光,保持新鮮感,就可以多啲以情侶檔出騷賺到盡,呢招果然醒!
出場次序論卡士
十隻手指有長短,何況十個港星。想知佢哋身價或受歡迎程度,睇出場次序最清楚。今次「慈溪騷」眾望所歸由鄭秀文打頭陣,盡顯天后身價,陳小春就壓軸表演。
1.鄭秀文
2.李克勤
3.鍾欣桐
4.許志安
5.鄭嘉嘉
6.周麗淇
7.梁漢文
8.王梓軒
9.李璨琛
10.陳小春

平時靚慣的周麗淇,可能到埗後不久便要去綵排,所以攰到無表情。

唱功一般的阿嬌,當日亦有作預先綵排。

據知李克勤酬勞收 80萬人仔,本應與安仔不相伯仲,但由於安仔與 Sammi拍住上,其酬勞才比克勤多 20萬。
吸煙咪影
陳小春在酒店門外等車接載時,不忘抽抽煙,此時有在場 fans拍照,助手馬上上前阻止。

撰文:娛樂組
攝影:攝影組

arrow
arrow
    全站熱搜

    tvb4life 發表在 痞客邦 留言(0) 人氣()