王殷廷兩個寶貝仔的房間位於一樓，房內不單貼滿印有帆船圖案的牆紙，還訂造了兩張 Thomas火車頭造型的睡牀。 

星悅居

王殷廷　阿仔屋

幸福女人其實有樣睇， 00年的落選港姐王殷廷（原名王可惠， Edith）， 2010年與法拉利高層結婚後兩年抱兩，細仔（ Aidan）已一歲大，非常精靈。年初全家搬入大埔比華利山 2,700呎獨立屋，雖然坐擁無敵大海景，但她坦言無暇欣賞，因為要照顧一對寶貝仔。家中布置像兒童樂園，隨手都可以拿起幾樣玩具，「冇法啦，囝囝仲細又黐身，要𠱁佢哋唔用多啲法寶真係唔得㗎！呢間屋嘅所有布局都係為咗佢哋咋！」真係廿四孝媽咪。

 

香港地寸金尺土，四人家庭一般只蝸住四五百呎單位，但王殷廷就愈住愈豪，現居 1,800萬買入的三層高獨立屋，幾乎每個角落都是小朋友遊樂場，大熱天時絕對不用外出，留在家中點玩都得。「一入屋睇到客廳、飯廳、偏廳，全部都係囝囝嘅天地，相信好少人細細個就有咁大嘅地方可以玩。除咗有普通玩具，我仲買咗大量 Montesorries（蒙特梭利）嘅益智遊戲，就算囝囝未返學，我都會捉住佢哋手仔，摸沙板上凸出嚟嘅英文字，咁做就好似教緊佢哋寫字，佢哋都好鍾意㗎。」王殷廷大仔 Tristan足兩歲，卻非常怕陌生人及黐媽咪，拍攝時不停扭計，好彩玩具使得，記者先可以影到王殷廷的單人照。

特製玩具架

王殷廷老公特意找人設計的層架，專門擺放數十種蒙特梭利的兒童遊戲，讓小朋友隨時都可以拿玩具出來。

益智教材

以前學英文 A for Apple都只係一張卡紙，依家就變了立體玩具擺設。今時唔同往日，做小朋友真係幸福。

 

蒙特梭利眾多遊戲中，以圖中呢個 game最受歡迎，把紅色球放入洞內，用手拉出櫃仔再取出。這一連串動作教曉小朋友動動腦筋兼訓練手部活動機能。

凸字英文卡

別以為這是普通的英文字卡，卡上所有字都是磨砂凸出來，小朋友可以沿住字體用手摸，就如練寫字一樣。

歡樂客廳

接近三百呎的大廳，完全是小朋友的天地，廳中心還放了軟墊做保護。而拍攝前一天，正好是細仔 Aidan一歲生日，他們在家開了個 party，廳中還留有很多氣球。


大仔成長照

三年前嫁為人婦的王殷廷兩年抱兩，書架上擺放了大仔 Tristan出世到一歲時的成長照片，旁邊更有溫馨三人照。


偏廳變圖書角

除了玩遊戲外，王殷廷都很注重小朋友學習英文，位於二樓的偏廳放置了一個大型書櫃。平時三母子會以英文溝通，大仔 Tristan未上 playgroup已懂不少英文生字。

毛筆陣

為了囝囝將來讀書醒目過人，王殷廷搵高人指點，在房中的文昌位掛了數支毛筆，增強小朋友的學業運。

露台飛車

客廳外有個大到可以做劏房的露台，大仔 Tristan想玩電動三輪車絕對不用去公園，仲有幾架私家車任揀。

親子日與夜

身為藝人兼美甲店老闆娘的王殷廷，近年已減少幕前演出，每日要照顧無時停的百厭星又的確幾勞心勞力。「 Aidan（細仔）係意外有嘅，同哥哥歲數只差一年，但兩兄弟感情好好，佢哋黐身到我睇少眼都唔得。大仔 Tristan識行後， 24小時都要跟實我。雖然冇晒私人空間同時間，但我好享受，佢哋每日都喺度長大， Tristan依家個樣已經唔同咗好多喇！」王殷廷三年內能夠完成結婚，生仔再生仔，再搬大屋呢三部曲，相信令很多女士都為之羨慕。


如此一望無際的無敵大海景，香港地真係唔多地方有。老公要返工搵錢，王殷廷仍有大仔 Tristan相伴睇海景。 

海景主人房

二樓的主人房唔單止大，連張雙人牀都巨得驚人。牆身用碎花圖案，整體感覺十分溫馨。整間屋亦只有這處是沒有擺放玩具，因為屬於王殷廷與老公的二人世界。


按摩浴缸

主人套廁改為雙人按摩缸，可見王殷廷夫妻均是愛享受之人。

簡潔飯廳

由於擺放甚少雜物，所以 2,700呎的獨立屋看起來更闊更大，廳中除了餐枱、梳化及電視機櫃等家具，就只加設了一套自助卡拉 OK，因為女主人同老公都是極愛唱歌。



得閒唱 K 

地庫車房

每一間大埔比華利山的獨立屋，都配以私人花園和車位，雖然全部單位都過千萬，但對於愛寧靜生活喜歡私隱度高的人來說，絕對值得。




撰文：李家碧
攝影：李梓軒
協力：袁家樂
錄像：湯文峯

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄