媽咪姐

五線鄭俊弘唱贏黃智雯

TVB最新歌唱節目《星夢傳奇》啱啱錄影咗頭兩集,上緊位嘅梁烈唯、黃智雯同港姐張名雅都有參賽。估唔到,最後跑出嘅係五線藝員鄭俊弘!

 

媽咪姐有去現場聽呀,佢唱 Robbie William嗰首〈 Angels〉真係唱得好有感情好投入。後尾先知原來係特登唱俾離世嘅公公聽,媽咪姐都俾佢搞到眼濕濕!不過,平日拍劇好入戲嘅黃智雯俾評判話佢揀錯歌,慘成全場最低分,同兩度感觸落淚嘅張名雅齊齊被 out!
嗯,呢個世界有時都係公平嘅。


無論喺台上台下,鄭俊弘都非常投入,諗起離世嘅公公,仲忍唔住當眾落淚。連「百彈齋主」評判巫啓賢都俾佢感動,俾成 90分! 

二打六新秀鄭俊弘(右)入行差唔多十年,曾經參加 2010年全球新秀歌唱大賽,但佢星途麻麻,最多都係做下楊明(左)嘅手下。 

最後黃智雯被 out,同鄭俊弘攬攬道別。而頭耷耷嘅唯唯(右一)亦只係僅僅夠分留低。 

arrow
arrow
    全站熱搜

    tvb4life 發表在 痞客邦 留言(0) 人氣()