手多多手多多的盛品儒將 Hazel tube dress拉低，更趁機揸胸。
探熱針
亞視盛品儒夜場揸胸
吹耳撩手
亞視收視一池死水，不過傍住王征執掌亞視的盛品儒就馬照跑、舞照跳。上週二（六月十一日）端午節假期前一晚，老蘭常客盛品儒凌晨四時出動，相約本身已在 Level玩了幾粒鐘的吳浩康前度 Hazel，二人在擺花街會合後，他拖住腳步已經唔多穩的 Hazel在人群中穿插，轉場到隔籬街的 Magnum繼續飲。
盛品儒明刀明槍將 Hazel身邊的觀音兵撇甩，急步走入人頭湧湧的 Magnum，在吧枱坐低，聽到播出 PSY的《江南 style》，本來跟盛品儒有講有笑的 Hazel即上身，興奮跳馬舞，見女伴情緒高漲，機不可失的他，馬上趁勢攬實對方，再埋身吹耳撩手臂，繼而火辣狂嘴。
啜爆未有手部運動前，盛品儒已經吹耳摸手臂，之後更忍唔住啜爆。 
偷襲盛品儒右手攬實，左手偷襲掹裙。 
露半球Hazel tube dress突然鬆脫露半球。 
Hazel近年由模特兒轉型藝人，拍過《重口味》、《黑色喜劇》等電影。
凌晨 4： 00
Hazel近年由模特兒轉型藝人，拍過《重口味》、《黑色喜劇》等電影。
清早 6： 00 孖住返屋企
玩到天光，盛品儒孖住 Hazel上的士，就算有蒲友大聲跟他打招呼，他亦扮聽唔到。
扯裙露半球
𥄫嘢見二人又拉又扯， bar tender聚埋變人牆齊齊𥄫嘢。
愈跳愈㷫的 Hazel，身上 tube dress更突然下滑，跣低露出 33C大半球， Hazel呢頭將 tube dress拉番高，右手攬住她的盛品儒，左手開始唔聽話，向 Hazel胸部突襲，再將對方的 tube dress扯低。與此同時，一班 bar tender亦極速築起人牆，齊齊睇戲。
雖然飲到 wing wing哋，但 Hazel其實醉唔晒！ Tube dress每被多手盛品儒拉低後，她都趕得切接手向上扯回原位。一個拉，一個扯，雙方經過一輪搓波，盛品儒見女方唔情願，亦知趣收手，唔敢玩落去。
一撻即着
據了解，盛品儒跟陳霽平的姊弟戀早已玩完，女方更指由今年初開始，二人未有見面；從不缺女的他，隨即被拍到跟過氣亞姐、人妻黎虹讌在街頭打情罵俏。
至於 Hazel，是數月前由朋友介紹認識，二人更一撻即着。
「雖然識咗唔係好耐，但兩個都好冧對方， Hazel同阿 Deep（吳浩康）分開後都同唔少人 date過， James（盛品儒）係其中一個，兩個人經常約會， James對女仔細心又有家底，所以 Hazel對佢印象好好。」知情者說。
在 Magnum玩足兩粒鐘，做完手部運動的盛品儒，跟 Hazel清晨六點見太陽才滿足離開。等的士期間，憑一句「眾所鳩知」在網上熱爆的盛品儒更被蒲友認出，埋身跟他打招呼，不過他未有理會，黐住腳步浮浮的 Hazel上的士。
去年 6月， Hazel被拍到跟阿 Deep在赤柱煙韌拍拖，不過唔夠一年就玩完。 
Hazel（右一）早前跟關楚耀、小肥等合作電影，即放上 instagram。 
亞視新聞加緋聞，盛品儒曝光率比公司藝人還高，在訪問中唔覺意講粗口，更成網民笑柄。
擁有 33C的 Hazel，過往接嘅模特兒 job大多是晒身材。
好易中
亞視執行董事盛品儒平日愛 chok住代表亞視發言外，身邊女伴亦如走馬燈，蒲腳更加無年齡界限，啱傾啱玩，就嚟！
打茄輪
2012年 7月 與大他四年的陳霽平拍拖睇戲斷正，兩人更在酒店暗角埋身肉搏打茄輪，事後女方承認相識四個月並發展中，但盛品儒卻不認戀情，只稱是好友關係。
打屁股
2012年 8月 背住陳霽平約會「爆乳妹」到中環夜蒲狂歡，「爆乳妹」還當街打盛品儒屁股，其後陳霽平立即與他劃清界線。
人妻夜蒲
2013年 1月 被影到與人妻兼人母的亞姐黎虹讌在街上打情罵俏，事後女方表示跟他只是朋友關係，不過二人未有避忌，繼續相約夜蒲。
留言列表
