平時搞笑嘅祥仔，無條件回母校幫手義唱，而且好有感情，唱到眼濕濕，唔少師弟師妹大讚！ 

U Spy

母校 55周年　阮兆祥喊住唱好

今年除咗係個個想佢執笠嘅亞視 55周年外，亦都係香港中半山老牌教會學校高主教書院（高記） 55周年校慶，早前成班同學為學校作咗首叫〈 Walk On Stay Strong〉嘅慶典主題曲，班同學除咗拍埋 MV，仲叫其他唔同年代嘅舊生齊齊唱好校慶。

 


今次高記首 MV主題要學生變 strong，片段都係學《那些年》咁放吓天燈，冇乜新意不過貼題囉！ 

Spy記得高主教有好多名人讀過，好似唐英年、王永平、鄭耀棠、張永霖、鍾鎮濤等，而阮兆祥更由幼稚園讀到中五，今次校方就主動搵咗祥仔合唱，個 MV搵咗英文歌唱，內容主要都係話高記學生要 strong，祥仔仲唱到眼濕濕添，佢同 Spy講：「好開心可以唱到校慶嘅歌，我好耐冇返過高記，今次返去發覺變咗好多，真係好感觸，搞到好想喊！」估唔到祥仔平時咁搞笑，又幾有情有義喎！

U Spy：

校園至爆猛料， U Spy一定睇實。


撰文： U Spy

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄