close
FBI
首爾直擊 踩足 160分鐘 Fit爆少時抽筋照跳
今次巡唱， 9個索女以最 fit狀態，配合輕快跳舞歌〈 Hoot〉揭開序幕，其後又唱又跳大家都噏得出嘅飲歌好似〈 The Boys〉同〈 I Got A Boy〉等，引來全場歌迷企晒起身做伴唱，簡直 high爆。
話晒今次係少時出道 6年以來首次世界巡唱，梗係交足功課，兩場演唱會都唱足 2小時 40分鐘，不過今次巡唱唔似以往嘅少時騷咁有個別隊員 solo演出，隻隻歌都由 9女現身演出，搞到隊員連唞吓時間都冇，卒之喺第 2場， Jessica終於頂唔順跳到抽筋，要突然落台小休一陣先上台再跳。雖然辛苦，但少時見到歌迷不停尖叫，心情靚番晒，仲破天荒 encore兩次先拜拜， 11月香港見喇！
週日（ 9日），少時開騷前開記招會傳媒，其間有記者問 9個索女年紀已過 20歲，點解仲叫做「少女時代」？成員即時話自己永遠係少女， Tiffany仲講笑話自己仍有顆少女心，所以特登着粉紅色。(網上圖片) 
少時開騷，身為師弟嘅 EXO喺第一場已到場捧場，仲入後台為師姐打氣。(網上圖片) 
3個變 9個以往唱〈 Twinkle〉一曲，都係泰妍、 Tiffany同徐賢合組嘅 TTS唱，今次除 TTS外，其他姊妹都陪泰妍一齊唱，令現場勁熱鬧。
秀英自拍忙緊拍 tvN新劇《戀愛操作團》嘅秀英尾聲喺台上玩自拍，萌爆！(網上圖片) 
一身鬆晒開完第 2場騷後，一眾隊員即趕去慶功宴，允兒離開會場時笑晒口，終於可以鬆一鬆。 
今次除韓國本土外，亦有唔少來自日本、台灣及美國 fans專程飛去首爾捧場。開場前更有歌迷喺場外排定舞為偶像打氣，非常忠心。
撰文、攝影： FBI
全站熱搜
留言列表
