FBI

金汎笑唔出

滿唔滿意？開唔開心先？呢期韓星密集式攻港，有啲仲嚟完又嚟，好似《花樣男子》同《那年冬天風在吹》嘅靚仔男星金汎，上個月至喺香港拍完微電影，上星期五又飛到香港做宣傳，而佢早排北上拍攝楊冪監製偶像劇《微時代之戀》又應該好快有得睇，中港同胞認真有福氣。

 

金汎上個月到港都勁親民，今次就一連兩日都唔多笑得出，連同傳媒傾偈做訪問，都話要保持 5呎距離喎，好有巨星風範囉。個朵叫「微笑王子」，咁搞法確係貨不對辦，不過大家體諒吓啦，聽講佢為拍套有內地版《 Gossip Girl》之稱嘅《微時代之戀》，要好努力學國語亦要應付大量國語對白。笑唔出，可能中文真係好難學呢！


金汎喺《微時代之戀》飾演一位高富帥，喺上海展開一段刻骨銘心又帶傷感嘅初戀。 FBI睇完呢啲劇情，坦白講，有少少毛管戙！ 

出名笑得靚，金汎上週五出席活動，直到影相一刻至擠到少少笑容出嚟，仲要笑得好勉強添。 

記者會現場播咗唔少微電影《再見．首爾》片段，好明顯每一幕賣點都係金汎大頭深情樣。

撰文、攝影： FBI

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄