34歲吳卓羲講咗好多年想做業主,等到今年終於有行動。以前寧願租樓剩番個錢換跑車,𠵱家就買磚頭,真係大個仔咗。
FBI
掟 860萬做業主 吳卓羲接筍盤班
唔好噓住,話吳卓羲筍盤接班人,當然好多人唔認同。不過分手大半年,吳卓羲都以事業為重,同新人傅嘉莉嘅緋聞又未斷正,老實講,確係生性咗。最緊要係,以前啲錢專用嚟買溝女車,換女快換車仲快,上月傳佢終於入市做咗業主, FBI更查到佢以 863萬喺深井碧堤半島買入一個千二呎海景單位。
又會咁啱嘅?筍盤王陳豪買結婚屋比華利山前都係住碧堤喎!所以話,呢個筍盤搬走,下個潛力筍盤跟住搬入。港女放心住深井喎!
碧堤係出名明星盤,除咗啱啱搬走嘅陳豪,仲有黎耀祥、麥長青都係同屋苑鄰居。
今年 5月,唱 K豪擲 863萬買入碧堤,佢話未決定自住定放租。
傅嘉莉因為拍《衝Ⅱ》識咗吳卓羲,套劇下月 15號就播,到時佢哋嘅緋聞應該傳得仲勁!
就快做老豆梗係搬大啲啦!(設計對白)
撰文、攝影: FBI
全站熱搜
留言列表