close
拍完戲， Ronald即拖實老婆行海邊浪漫吓，見到靚景仲即刻幫老婆留影，幾恩愛。
FBI
煙民爸爸 鄭中基煙親老婆
「我爸爸好辛苦……哥哥就嚟俾煙累死！」政府廣告都有賣，勸家長唔好食煙，但偏偏娛樂圈就有勁多吸煙爸爸。 FBI撞完丁子高又撞到另一煙民爸爸、又係千嬅舊愛嘅鄭中基喎！
上週四（ 6日） FBI發現鄭中基（ Ronald）喺赤柱同陸浩明幫 TVB拍《 6號訪》，老婆兼 6號有線舊同事余思敏都有嚟探班。做訪問當然難唔到 Ronald，前後唔使半個鐘已經拍完走得。
之後 Ronald拖住老婆行海邊浪漫吓，行行吓仲幫老婆影相，全程 sweet爆。可惜等車期間 Ronald都忍唔住要食支煙，呢個時候余思敏就自動彈開，費事吸二手煙。
行完海邊， Ronald煙癮大發，同助手企埋一齊食煙。企定定食，點都好過丁子高咁一路行一路食嘅！ 
鄭中基同陸浩明坐喺海邊傾偈，先唔好理 Ronald講嘢有冇爆笑位，佢呢一身自由行造型已經好好笑！ 
7月即將 2歲嘅 Emma人仔細細，鄭中基同老婆當佢如珠如寶。早排佢差啲喺屋企跌親，鄭中基為扶實佢搞到自己跌斷鼻骨，父愛真偉大。
撰文、攝影： FBI
全站熱搜
留言列表
