close


臨近少時演唱會， 23歲孝淵即 keep番最好狀態，勁 sharp出場成全場焦點。 

FBI

少時孝淵 6分鐘吸 80萬

少時喺首爾開騷前，成員孝淵竟然「咇」到時間趕來香港吸金。上週四（ 6日）英國街牌 TOPSHOP喺中環開幕，請到孝淵做嘉賓。呢日孝淵勁識做，一出場就繑實品牌老闆菲力浦格林爵士，加上笑容鬼死咁親切，瘦咗又靚咗嘅孝淵又真係好得人 like！當日少時 fans塞滿皇后大道中，公關見孝淵受歡迎到咁，仲臨時安排咗個一分鐘嘅握手會，引起一陣混亂，不過孝淵亮相 6分鐘就走人。

 

FBI仲收到風，話孝淵今次嚟香港出席 TOPSHOP開幕，連埋之前來港幫 TOPSHOP影宣傳相，加加埋埋大約袋咗 80萬港幣。咁易搵，頻撲啲都抵啦！


開幕期間孝淵舉起「 GIRLS LOVE TOPSHOP」牌同粉絲 say hi，點知突然跣手，勁「蝦碌」！ 

繑實老闆

孝淵鬼咁識做，一出場即繑實 TOPSHOP老闆，而老闆亦好細心咁拖住孝淵落樓梯，當孝淵係巨星咁看待。

 

 


當日孝淵雖然只現身 6分鐘，不過短短幾分鐘，佢已經交足功課，笑容、 pose、態度全部 100分，最緊要係吸引到大批 fans嚟捧場， 80萬抵畀啦！ 

上月孝淵孖住同鄉型仔男模遊香港，當時嘅佢仲有少少肥。 

撰文、攝影： FBI

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄