今次俾你累死啦!(設計對白)雖然倪震身家豐厚,不過平時生活十分樸素,富貴真係冇樣睇! 

真面目

股壇狙擊 離奇炒股賺千萬 倪震急發 30短訊求救

投資有計的倪震,除了人生最佳投資娶到周慧敏外,同朋友夾份開的英式桌球室搞到連開三分店,無寶不落。
但 49歲倪震除了搞實務外,原來亦有炒賣股票,本來股票賺蝕冇人知,但早前炒股專欄作家周顯卻於報章大爆倪震疑似炒賣冷門股票賺過千萬。雖然有人質疑倪震吹大,但執幾百個應該點都走唔甩,上週五( 7日)周慧敏只輕描淡寫說:「我哋一向唔講呢方面嘅嘢!」所謂悶聲發大財,唔通發咗要喺 fb同你分享咩?

 


想好睇啲啫!(真實對白) 

倪震被爆炒股疑似賺過千萬,事緣上週三( 5日),炒股專欄作家周顯在其《蘋果日報》專欄中,寫了一篇名叫「一個月贏一千萬」的文章,大爆倪震以「幾百萬現金閒錢」,大手買入一隻冷門股恒力商業地產( 169),更成功在高位放售,周顯更在文章內幫倪震計數,稱倪震一個月內「豈不是贏了 1,000萬?」

 

上週三( 5日)周顯的一篇專欄提及倪震炒賣恒力( 169)股票賺一千萬,有網友質疑周顯文章似為恒力莊家放好消息,周顯則說:「我只係覺得倪震好好彩,我都覺得隻股票有問題,所以我唔會推介畀人。」

被質疑吹大


上週五( 7日),倪震同太太周慧敏外出,雖然即場倪氏夫婦冇回應記者,但事後周慧敏仍禮貌經電話回覆說:「我哋一向唔講呢方面嘅嘢!」 

文章出街後,連日來引起網友及其他金融人質疑倪震吹大,又列出數據指倪震根本冇可能一個月內可以有如此可觀回報。對於網上評論,周顯上週五( 7日)接受電話訪問時,則幫倪震解話:「賺成千萬只係我估計啫,佢只係同我講用咗幾百萬喺個幾入貨,之後我喺隻股票 5蚊時再打畀佢,佢話已經放晒,咁我粗略計咪大約一千萬囉,咁樣寫想好睇啲啫!」
幫倪震計數吹大咗,但話晒「幾百萬現金」,倪震似乎對今次投資好緊張,周顯說:「我識咗佢好耐啦,不過佢問我股票嘢就係第一次。嗰日我上緊堂(私人舉辦的金融投資課程),佢連續發咗 2、 30個短訊畀我,我見佢咁急,咪當住啲學生面前打畀佢囉,件事爆咗出嚟佢冇話嬲我,但係條短訊就唔畀得你哋喇,我怕登咗出嚟佢真係嬲!」

 

據周顯文章稱,倪震以「幾百萬現金閒錢」在「 1元多點時購入」,並於 5元高位時放晒,所以周顯就幫佢計數速賺成千萬。不過有網友質疑稱睇晒「恒力」在 1.2至 1.8時的交易紀錄,買入總數都唔超過 400萬,所以質疑倪震吹大。

好運賺大錢


倪震在 06年開始投資英式桌球及酒吧生意,幾年間分店擴展至 3間上晒軌道。 

據知倪震其實一直有投資股票習慣, 03年時曾有傳他於加拿大投資科網股勁蝕過半身家,回流香港後,據周顯表示倪震 07至 08年開始玩股票,雖然今次有錢賺,但周顯仍說他今次「太撞彩」。
對於炒股贏大錢,上週五倪震跟周慧敏一同駕車外出時,雖不願接受訪問,但事後周慧敏仍以電話回覆說:「唔好意思,我哋一向唔講呢方面嘅嘢!」有錢都係低調啲好!

周慧敏唔使捱

曾志偉監製、無綫重頭劇《 Aerobic Girls》,故事改篇自韓國電影《陽光姊妹淘》,最初諗住由周慧敏搭葉玉卿加鄧萃雯主演,可惜周慧敏同葉玉卿大把貨唔想捱;而雯女又同 TVB鬧翻,故現改為號召力不如前的陳慧珊擔正,並有意配搭李麗珍,但珍妹和另一女主角仍未定案。


周慧敏 keep到童顏不老兼形象好,平時出席一個活動閒閒哋袋十萬,邊使返 TVB拍劇咁辛苦。《蘋果日報》圖片 

爆料癮

曾被稱為富豪炒股軍師的周顯,跟蕭若元、向華勝等圈中人相熟,今次大爆倪震炒股賺大錢,其實他一向有鋪爆料癮,於 11年的著作《肉食男女》和網誌《烈女傳》中,周顯更揞名大爆勾當,還稱:「件件屬實,並無虛言。」


周顯(左)在財金界人脈甚廣,連上市公司主席兼專欄作家蔡東豪都找他做訪問。《蘋果日報》圖片 

𡃁模撩 3P

有𡃁模 J因向他每次借錢被拒,竟主動提議叫埋妹妹 Q陪周顯玩 3P,但周顯自稱冇落叠。

J小姐被包偷食

選美出身的 J小姐,除了外貌愈變愈靚外,本來有一富豪照顧,「月薪」大約有 20萬,怎知有日 J小姐竟被金主發現在衣櫃內有一男模特兒,被人包緊都要偷食。

K小姐賣淫變輸錢

模特兒 K小姐以一百萬元代價被城中年輕富豪照顧,該富豪更向 K小姐提供炒股貼士, K小姐叫其家人瞓身投資,不料股價慘跌 9成得個桔。


採訪、撰文、攝影:娛樂組

arrow
arrow
    全站熱搜

    tvb4life 發表在 痞客邦 留言(0) 人氣()