失戀天王同場
黎明城城人前鬥風騷
【C女郎】
■樂基兒昨晚出席活動時，風騷得拗腰擺甫士。
攝影：葉君海
三大天王郭富城、黎明（Leon）及張學友前晚到金鐘撐陳可辛導演的電影《中國合伙人》首映禮，Leon的前妻樂基兒近日傳與新歡Cuz閃婚，而城城又與熊黛林分手，兩位失戀天王自然成為焦點。Leon到場時匆匆入場，只停下來接受電子傳媒訪問，不過他心情不俗，還笑着與梁家輝及張家輝合照，似乎沒受樂基兒閃婚傳聞影響。Leon表示來支持陳可辛，希望再有合作機會：「大家係好好朋友，睇吓係唔係有機會再合作。」
至於城城受訪時雖一度扁嘴，但整體表現風騷，日前他與張智霖擁有的「愛將」贏頭馬，城城自誇有眼光，對於苟芸慧旺他？城城笑笑口說：「睇完得啖笑，佢哋點講就點講。」提到有傳他資助苟芸慧租樓？他沒好氣說：「兩個字：白癡。」他自爆兩度因檔期相撞而與陳可辛合作不成：「只要佢出聲我就度期，不過我今年冇期，佢個心一直等緊我。」現場還有余文樂、袁詠儀（靚靚）、邱淑貞及林建岳等。林建岳與袁詠儀當年曾傳緋聞，前晚樂仔懶醒讓中間位給林建岳影大合照，卻巧合地企在靚靚身旁，二人亦點頭打招呼。此外，林建岳昨日到海洋公園出席活動時表示，不清楚女兒林愛兒與何超盈的緋聞，強調大家是朋友。
■黎明雙手合十，不知是否祝福舊愛？ 
■城城前晚笑笑口，心情甚靚。 
■過氣緋聞情侶林建岳與袁詠儀並肩合照。 樂基兒在港無家
另一邊廂，樂基兒昨晚在中環四季酒店出席護膚品活動，離婚後的她膚色變黑及身形粗壯不少。問到拍到她跟新歡Cuz拖手及閃婚傳聞，樂基兒拒絕回應。她又解釋因經常滑水致變黑，但拒絕回應跟新歡拖手：「咁耐嘅問題唔答喇，自從跟Leon分手後，所有感情、私人同個人生活都唔會答，有冇又或者同邊個拍拖都唔回應，畀多啲空間我同Leon。」她自言在港已沒有家，希望大家可憐她。同場的傅嘉莉主動就跟吳卓羲拍拖認衰：「可能我詞不達意令大家誤會，同吳卓羲係好朋友。」
採訪：溫敏芝、張俊銘、譚倩宜
攝影：陳俊強
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！
城城聞幫苟姑娘交租鬧白癡
郭富城前晚現身撐好友陳可辛導演的新片特別場，他表示陳可辛曾兩次主動找他合作，但都因檔期問題無法配合，他謂：「佢唔會嬲我嘅！佢明白有啲工作唔可以推！」
早前城城的匹馬「愛將」又拉頭馬，他表示要多謝練馬師和馬迷的支持，亦大讚自己有眼光。對於有指因緋聞女友苟芸慧旺他時，城城笑言：「無聊新聞，睇完得啖笑，啲讀者好聰明！佢哋點講就點講！」再問到有傳他出錢給苟姑娘租屋，他即無奈說：「兩個字，白癡！」講完便速閃！
留言列表
