羅仲謙連詩雅當眾推油 @ 818 娛樂八掛大放送★

羅仲謙連詩雅當眾推油

■羅仲謙幫連詩雅搽防曬，全程只敢掂對方膊頭，但搽咗好耐。

羅仲謙、連詩雅（Shiga）、𡃁模許穎（Phoebe）同師妹梁晶晶（Bonnie）等，噚日喺灣仔出席防曬用品活動，謙仔喺台上同連詩雅互搽防曬，佢好穩陣只搽女方膊頭，不過就捽咗好耐畀記者影相。謙仔話唔敢行泳褲騷，行就要做好多準備，問係咪要攝嘢加料？謙仔笑笑口話：「要睇吓有冇走光，或者加條沙灘褲喺外面。」

近日張家輝操到好fit，謙仔話自己都keep到7嚿腹肌，問腹肌係咪最吸引女友楊怡？佢有啲尷尬話：「男士最吸引應該係對女仔好。」

■許穎勁晒事業線，果然識搶風頭。許穎撐師妹奪愛

Bonnie最近同柯震東喺台灣夜蒲，佢話大家係好朋友，識咗年幾，問佢知唔知對方有女友蕭亞軒？Bonnie扮儍話：「唔知，佢冇講過，我哋未到發展階段。」Phoebe鼓勵Bonnie鍾意就自己爭取。

另外，連詩雅日前接受商台錄音訪問，透露拍拖最耐一次係3年，最短一次係幾個月。Shiga承認自己讀書時比較鍾意去蒲，反而入行後就少咗好多。佢仲自爆拍拖時有異性冇人性，成日掛住陪男友而失去好重要嘅朋友。

撰文：馮仁昭

羅仲謙着「底褲」怕走光

無綫藝人羅仲謙與歌手連詩雅昨日現身Biotherm防曬產品活動，同場的o靚模許穎及其師妹梁晶晶（Bonnie）則以比堅尼Top上陣，謙仔即被指太「密實」，他坦言未能接受以泳褲出席活動：「覺得泳褲好似內褲咁，要準備好多嘢。（要攝嘢？）係要睇吓有冇走光。（酬勞高啲肯唔肯？）要喺外面着條沙灘褲或者影硬照都可以。」他透露最近忙拍電影，疏於健身，但幸好仍保持到七舊腹肌，問到其腹肌是否最吸引女友？他尷尬說：「男士最吸引係對女仔好同埋心態，而唔係外形，外形終有一日會冇，我覺得自己嘅身形keep唔到四五十歲，到時會變成典型嘅標準男人身形。」

謙仔即場為連詩雅搽防曬用品。