冰上飄唯唯指冰川融化速度加快,廿年後將會消失,快影。 

媽咪姐

梁烈唯黃德斌 極地上一課 極地狂奔

早前,梁烈唯(唯唯)同黃德斌( Kenny)分別去咗北極同沙漠,拍攝《極地狂奔》(節目將喺 6月 3日播出)。今次佢哋要跑馬拉松,辛苦完成賽事後,唯唯同 Kenny都話人生觀改變咗。

 

唯唯完成第八圈賽事,曾諗過放棄,不過工作人員鼓勵兼陪佢跑最後一圈,最終完成賽事。之後唯唯仲煮咖喱飯慰勞工作人員,好窩心。



唯唯特登去到北極嘅郵局,寄 postcard回港俾朋友。 

 

媽咪姐知道唯唯變咗「行動派」環保之士,「去完極地,睇到冰川融得咁快,依家會用行動嚟環保,好似逢星期一會食素,減少碳排放,而且搵緊有機番梘用,又減少膠樽用量。環保係刻不容緩,唔可以齋講!」
至於喺沙漠跑嘅黃德斌,就同媽咪姐講:「覺得人好渺小,依家會珍惜資源,喺沙漠期間每日只有十公升水用,所以八日無得沖涼,令我體會到好多嘢唔係必然嘅。」
佢哋去足十幾日極地,但只剪輯成五集,大家唔好 miss呀!


沙漠行黃德斌喺沙漠跑馬拉松,每日要好好分配食水,零浪費。 

完成馬拉松賽事後,黃德斌同其他的香港跑手合照,一身鬆晒。

arrow
arrow
    全站熱搜

    tvb4life 發表在 痞客邦 留言(0) 人氣()