May姐當日買咗大罐特純橄欖油同一大盒 camembert芝士，盛惠近二百蚊。貴就貴咗啲，但靚嘢冇計啦！ 

媽咪姐

May姐教買餸

無綫前高層、人稱 May姐嘅馮美基，由幕後撈到幕前，去年喺無綫播出嘅《 May姐有請》收視唔錯，於是無綫打鐵趁熱開拍第二輯。

 

第二輯本周日（ 21日）播出，媽咪姐都有捧場， May姐撚出嚟嘅小菜都幾特別㗎，好似電飯煲焗雞、鵝肝蒸蛋咁，都叫有獨門烹調心得。媽咪姐早前就喺中環 city’ super撞到 May姐買餸，原來佢揀食油都有一套，唔係隨隨便便用本地花生油，反而選擇由外國進口嘅橄欖油，仲要係 Extra Virgin特純嗰隻。有研究指呢隻食油可以預防心血管病同癌症。難怪日日食好嘢嘅 May姐可以活得咁健康，橫睇掂睇都唔似 68歲！


今年 68歲嘅 May姐着到一身紅噹噹買餸，連自備嘅環保袋都係紅色，真係搶眼。 

首集 May姐請嚟楊千嬅食飯煮餸，雖然千嬅又係講湊仔經，但話晒係出爐影后，都算有 timing。 

嚟緊 May姐會聯同兩位拍檔沈卓盈、楊思琦深入國內搵珍饈百味，仲親身接觸禽鳥，認真危險。

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄