close
阿女率先離開,留低男友陪兩老行街,相當有心。你睇心姐個樣笑得幾甜,就知佢有幾開心啦。
媽咪姐 謝雪心
精靈耆兵
家有一老,如有一寶!依家嘅老人家再唔係由朝坐到晚、日哦夜哦㗎啦。好多都鍾意出去行吓街,仲成日同朋友家人食飯,生活不知幾充實。
謝雪心家庭樂
謝雪心出名保養得宜,但唔講唔知,今年踏入花甲之年,啱啱 60歲。近排佢雖然趕緊拍《巾幗梟雄之諜血長天》,但一唔使拍劇,就陪屋企人。
早前心姐就同老公陳啟亨拍拖行街街。當日佢同老公,先去寵物用品店買嘢,之後約埋乖女伽穎食拉麵,同行仲有伽穎嘅男朋友。佢哋一家四口一邊食一邊閒話家常,不知幾溫馨!媽咪姐仲聽到個男仔叫心姐做「媽咪」㖭。咦,唔通心姐已經升呢做咗外母?咁幾時抱孫?
謝雪心同老公先到寵物用品店 shopping,兩夫婦有商有量,好 sweet。
兩人之後會合女兒伽穎(紅黑衫)及其男友食拉麵。
同樣係藝人嘅伽穎近年都冇乜幕前演出,作為阿媽嘅心姐都會帶阿女出嚟同傳媒見吓面,增加曝光率。
譚炳文機警睇樓
炳哥不單止身體硬朗,仲好醒目見到媽咪姐。佢之後經過地產舖睇樓盤廣告(小圖),莫非想入市買樓?
劉松仁有女陪試衫
63歲嘅劉松仁着起套西裝型到不得了,身邊女友人亦由頭掃落腳,俾咗唔少意見。
松哥試衫,女友人幫忙摺衫、整理行裝,對松哥照顧有加。
松哥冇斬獲,於是跟女友人殺去第二度再睇過,其間仲笑得好開心。喂,小心惹人誤會噃。
全站熱搜
留言列表