阿滕變肥滕滕麗名為搵食，無懼疫症上佛山登台，更要在品流複雜的夜店任客人摸手仔。不過唔知最近係咪有男友錫，阿滕發福咗都唔知，本身係瘦骨仙嘅佢，當晚驚現雙下巴、麒麟臂同水桶腰。
媽咪姐
滕麗名派奶益北仔
近排內地禽流感疫情持續，不過唔少藝人睇錢份上，都無懼 H7N9威脅，繼續喺內地賺人仔。
好似最近同男友 Matthew度完假嘅滕麗名，早幾日亦密密北上登台。早前佢去咗佛山一個有女陪嘅𡃁仔場，輕輕鬆鬆唱咗四首歌，話咁易就執咗 7萬蚊人仔，差唔多 9萬蚊港幣㗎。
受人錢財，阿滕都好識做狂冧客，除咗即興唱多首歌送俾班酒客，最正嘅當然係佢着住件 deep V衫谷行 2吋波罅仔俾班強國人睇啦，其間佢仲多次走近台前同班男酒客握手兼派簽名相，搞到群情洶湧，個個起哄撲埋去爭位摸阿滕玉手。辛苦錢唔易賺，無計啦，一日未箍掂男友結婚，都係搵多個私己錢傍身，露下事業線當做善事囉！
谷 2吋罅仔向來屬「微波」嘅滕麗名，着住 deep V閃閃衫谷 2吋罅仔賣心口娛賓。 
索爆影纖體阿滕兩年前拍纖體廣告，要腰有腰，要胸有腰，反而家陣箍實圈外男友後，身形走晒樣，確實有得必有失。 
清一色男人當晚阿滕登台嘅夜場，除咗一班陪坐性感姐姐仔外，幾乎清一色係男人。阿滕一出場，個個仆住去台前，等握阿滕隻手仔。
𡃁仔夜場媽咪姐喺該夜店門口見到幾個濃妝艷抹，着住短裙仔嘅𡃁妹，對住阿滕嘅宣傳海報評頭品足。 
男友唔及近身錢滕麗名感情坎坷，兩年前遇上做 Canon嘅打工仔 Matthew，以為可以脫離盛女行列，誰知 Matthaw斷正俾周刊影到當街同人濕吻。情傷阿滕雖然最後俾 Matthew𠱁番，但男友不及近身錢，阿滕惟有密密北上賺人仔儲私己。《壹週刊》圖片
全站熱搜
留言列表
