探熱針
信得過 同梅小惠聯名買樓 阮兆祥：都唔係第一次！
租金硬淨
得「福祿壽」帶挈，阮兆祥、李思捷同王祖藍不時有外快送上門，三子財源滾滾。搵得到，本身屋企富貴的李思捷，去年豪擲百萬買入二手法拉利當玩具，王祖藍亦積極睇樓，為娶女友李亞男過門做定準備；至於無厘聲氣的阮兆祥，原來早在去年七月已悄悄入市，買入位處名校網區、太子道西青雲閣一個五百六十八呎的單位，作價五百萬。
「青雲閣係單幢樓，單位實用率唔算高，勝在位置旺中帶靜，又係名校校網，所以租金都企得幾硬淨，萬九到二萬二冇問題，但要快手，暫時得三、四個買盤，冇租盤。」一名物業代理說。
買磚頭保值好正路，奇在阮兆祥買樓，聯名持有物業的並不是女友 Crystal，而是梅小惠；更何況，以他的賺錢能力，獨資供五百萬樓，也不吃力。
青雲閣位處名校校網，租金叫價萬九至二萬二，一樣大把人爭住租。
去年 7月阮兆祥同梅小惠聯名以 500萬買入太子道西青雲閣一個 568呎單位，短短半年已升值 60萬。
青雲閣屬單幢樓，實用率偏低，客廳有落地大窗，房間則有超大窗台。
唔怕傷感情
問到阮兆祥與梅小惠孖份買樓，他表現得相當避忌。「哎……（遲疑幾秒）係呀，用嚟投資放租，其實都唔係第一次，係囉！」
阮兆祥聲稱與梅小惠都睇啱該區租金回報理想，撞正有單位放售，於是一齊入市。
講錢失感情，合資買賣物業，一旦出現意見分歧，隨時連朋友都冇得做。
「我哋一早傾好咗，協議好到某個價先會放，況且大家識咗咁多（十六）年，唔怕！」
而梅小惠對與阮兆祥合資買樓好放心。「我成日都同朋友夾份投資，除咗祥仔，仲有江欣燕，又試過同郭少芸合作開茶餐廳，只係業主加租，先至無做落去！」梅小惠說。
全面退出幕前的梅小惠，現主力製作公司的工作，對上一次公開露面已是 11年志偉的生日派對。
福祿壽爆紅，去年初李思捷豪擲一百萬買入二手法拉利獎勵自己。
去年背住女友偷會何傲芝（圖左），女方不避嫌上載兩人飯局合照，傳祥仔同拍拖十三年的正印 Crystal（右圖）感情亮紅燈。
16年交情
梅小惠與阮兆祥早於 87年已是《歡樂今宵》鐵腳，多年來，二人齊齊拍檔搵食，亦合作過多部電視劇，包括《師奶強人》、《樂壇插班生》、《錦繡良緣》、《皆大歡喜》等，梅小惠形容與阮兆祥的關係如未來老公般親密。
99年，梅小惠與拍拖 13年的男友曾偉權分手，阮兆祥怕她出事，甚至搬到對方家中住了一個月，陪她外遊、行街、篤波散心。分手後的第一個情人節，阮兆祥寧願撇低女友，自動請纓陪梅小惠。 04年拍完《皆大歡喜》後，梅小惠開始淡出娛樂圈，但二人關係仍然密切，不時齊齊出席慈善活動。
去年福祿壽踩入紅館開演唱會，事業更上一層樓。
（《蘋果日報》圖片）
留言列表
