苟芸慧封胸三個月後，再次拋胸現身，就算皮膚敏感身上有紅印，她都急不及待要咪咪出嚟見人。
探熱針
甩拖搬屋唔靠人 苟芸慧解開胸禁
好消息，一度宣布封胸拒絕性感的苟芸慧，終於順應民意，決定解除封胸令，重新開放 34D咪咪。
據知，苟姑娘自從封胸後，出席活動賺外快指數應聲急跌，更被新進女神岑麗香搶走唔少生意，加上同有米奀星男友羅天宇分手，無得黐屋住，每月要自己真金白銀俾萬三蚊租住西環舊樓，靠萬八底薪難以維持衣食住行，唯有向現實低頭，再次拋胸自力更生。
封胸無運行
苟芸慧憑住一副 34D-25-35好身材，加埋深坑事業線，輕易榮登女神寶座，連帶工作量同出騷量都大大提升。明明係上位大好時機，偏偏苟姑娘嫌外界定點在她的心口，去年十一月突然宣布封胸，結果令工作量大跌，商場騷及品牌活動價、量齊跌。
封胸冇運行，苟姑娘坐咗三個月冷板櫈後，終於面對現實。週日（二月二十四日）出席《國際中華小姐競選》擔任嘉賓評判時，再次低胸上陣，露出久違的三吋事業線，希望能引起各大老細關注，刺激生意額。可惜封胸多時加日久失修，現場發現苟姑娘胸前有多笪紅印，用了遮瑕膏依然清楚見到。
「嗰日苟姑娘返到服裝間換衫，有人見到佢個胸一笪笪，都有問使唔使幫佢換過另一套衫遮住個胸，點知佢話唔使，只係叫化妝幫手遮紅印，點都要低胸出鏡。」現場工作人員說。
包到實的苟姑娘去到銅鑼灣，似乎冇乜人認得出她是女神。
買床上用品
苟姑娘主攻床上用品，對被鋪床單不停研究，最後買了一個枕頭。
行了兩個鐘後，苟姑娘搭的士返回新居休息。
租西環舊樓
急住晒胸𢱑生意，原因是自從苟姑娘與奀星男友羅天宇正式分手，搬離男方日出康城寓所，要靠自己搵屋租。開支一闊三大，雖然已經慳住使，搬到西環一幢四十一年樓齡舊樓，一梯十四伙，實用面積只有三百呎的蚊型單位，但月租都要萬三蚊，加埋夜收工搭的士返歸，每月支出起碼兩萬，對於底薪只有萬八元的她，根本入不敷支，賺活動外快成為唯一生路。
住殘竇
新居位於西環高街，樓齡四十一年，一梯有十四伙，人流複雜，屋內裝修亦相當殘舊。
上星期四（二十一日），苟姑娘到銅鑼灣宜家傢俬為新屋買日用品，由於租住的單位外望樓景，與對面單位只有一窗之隔，為保私隱，只見她仔細地揀選窗簾布，但無收穫，之後轉攻床上用品，不停將床單及被袋攞上手摸，又比較價錢，但最後只買了一個一百四十蚊有找的枕頭，及兩盆小植物，便搭的士返回新居。
諗通諗透，決定開胸向現實低頭！其實憑着苟姑娘強橫的事業線，要生意興隆，養得掂自己，唔難。
露胸先有 job
早前苟姑娘不時性感打扮，閒閒哋一星期出席三四個活動，每月有廿萬收入。
封胸後，苟姑娘風頭被另一女神岑麗香搶去不少。
同羅天宇拍拖兩年，苟姑娘一直同居在日出康城，但兩人堅稱分房瞓。
留言列表
