Kelly現場鎮壓 乖晒
蝦餃仔平時返學好活躍，但每次見到媽咪陳慧琳接放學，即時變回乖寶寶，仲表情多多向 Kelly撒嬌。
滾熱辣
赴台秘見生育專家 陳慧琳養卵追蛇女
自誕下劉昇（蝦餃仔）與劉琛（小龍包）兩個點心孖寶後，陳慧琳（ Kelly）曾表示「封肚」唔再追，但全世界都知呢個潮媽非常恨女。
本刊收到消息，指陳慧琳去年中頻頻搵中醫趙少萍調理身體兼養卵， 11月秘密入山頂嘉諾撒醫院找生仔聖手何永超 check卵，實行中西合璧谷到盡。此外她更曾赴台灣拜會當地一位人工受孕專家。看來為追蛇女， Kelly志在必得。
一人湊放學 扭抱
每當陳慧琳出埠工作，其經理人鍾珍都會幫手湊蝦餃仔返學放學，不過蝦餃仔見到工人特別扭計，唔肯自己行，仲要工人抱上車 㖭！
媽咪在場鎮壓，蝦餃仔乖乖自己行上車，睇 嚟 Kelly平時對阿仔都幾嚴。
去年 3月誕下小龍包後，陳慧琳除修身外，更秘密養身養卵，為迎接下一次人工受孕做足準備。
去年 3月二公子小龍包（劉琛）出世後，陳慧琳堅稱「封肚」，但月前她在一個活動上突然轉口風：「如果保證生女 嘅話，我會考慮。人工受孕方法唔保證可以生女，而且 喺香港亦唔合法。」她終於按捺不住，開口講到明求女心切。
食中藥養卵
陳慧琳早前秘密入住山頂嘉諾撒醫院，搵婦科聖手何永超驗卵。
陳慧琳產後極速修身，很快就變回索媽。不用工作時，她除要照顧兩個寶貝仔外，原來還要好好調理身體，為追女作好準備。據知情者透露：「 Kelly以前身體唔好，每個月都會經痛，好多年前已經去銅鑼灣睇女中醫趙少萍。趙中醫出名睇生仔，原理係女人每個月要養好粒卵子，受孕機會就高好多。因為年過 35歲後，排卵期會唔準，質素仲會下降，加上 Kelly年前佗孖女小產過，追女真係不容有失。佢頭兩胎都係食住中藥先調理得咁好咋！」
睇中醫同時，陳慧琳亦頻頻搵婦科聖手何永超做身體檢查及諮詢有關人工受孕的事宜。去年 11月中，陳慧琳更曾到醫院做檢查，知情者說：「今次佢以檢查身體為名，其實驗卵至真。為求絕對保密，佢冇去到何永超位於中環太子大廈 嘅診所，反而 喺山頂嘉諾撒醫院 book病房，秘密進行 咗一次好詳細檢查。報告顯示 Kelly排卵期較過往準確，亦十分健康，所以佢對再次進行人工受孕有好大信心。」
香港不能包生女
陳慧琳與老公 Alex 08年結婚即努力造人，希望今年可以追番個「雞包仔」，湊夠一籠劉氏點心！
經過這次驗卵後，陳慧琳赴台灣出席一個公開活動。據知她工作後更留多兩日，與當地一間大學的人工受孕教授見面，為再生下一胎取經。
記者致電陳慧琳經理人鍾珍，她不肯透露 Kelly是否曾拜會台灣人工受孕專家，只說；「總之 Kelly依家身體好好， fit爆啦！」
眼見小龍包已經 11個月大，陳慧琳開始心郁郁再去追女，可惜香港人工受孕是不可以揀性別，屬於非法，所以她未能百分百肯定下一胎會生女。但香港以外，人工受孕在美國及泰國等地都可以自行選擇 BB性別。唔知呢個潮媽又會唔會考慮去博一博呢？
有限度接 Job
近年 Kelly的工作都只係拍吓廣告，睇吓時裝騷，所有登台走埠等頻撲工作全部推得她就推，去年尾還缺席所有頒獎禮。其間她只參演過電影《手心的一個字》其中一個單元故事，前後只開工五日，悠閒至極。
出碟
已四年無出碟的 Kelly，最近推出最新廣東大碟《 Reflection》，不過宣傳唔多。
廣告
拍廣告快、靚、正，酬勞又豐厚，是 Kelly最愛的工作。
做騷
Kelly應承雷頌德 6月為其個唱做嘉賓，講明只係客串性質。
要生仔先養卵
陳慧琳幫襯的女中醫趙少萍，診所位於銅鑼灣軒尼詩道，不少女星如李嘉欣、周家蔚及湯盈盈等，懷孕前都前往調理身體。記者早前以顧客身份幫襯，表明想生仔，趙醫師講解一輪：「想生仔要先養好粒卵子，再配合排卵期，先可以一擊即中。（如果好耐都唔成功呢？）我知道有 啲客會搵何永超，中西合璧嘛！」
本港在《人類生殖科技條例》規管下，夫婦可使用自己的精子和卵子進行人工受孕，不過胚胎性別不能選擇，除非獲註冊醫生證明有特別原因，例如有機會患上與性別有關的遺傳病。
記者致電醫生關嘉美，她表示現時美國部分州郡是合法選擇 BB性別，「除咗美國，泰國係最多香港人去做人工受孕揀 BB性別嘅地方，已有好多成功 case。至於台灣我就唔清楚喇，不過我都聽過有人會去嗰度做。總之喺合法地方做，返香港生係冇問題。」
女中醫趙少萍的診所內貼了多張 Kelly的簽名海報，兩人的合照更放於趙醫師的工作 枱上。
何永超是本港的人工受孕權威，他與其高徒藍寶梅早年成立「勝利輔助生育所」，專為不育夫婦服務。
留言列表
