九龍城湊孫
早前李家鼎現身九龍城，其座駕內有一名年約五十歲，戴眼鏡的女士。當時她手抱一名熟睡的 B女。鼎爺對她們照顧有加，做埋司機開埋門，關係不言而喻。
大封面
新年大揭秘 李泳豪離奇湊兩歲 B女 楊思琦 O嘴：唔知佢有個女
11年 6月楊思琦與李泳豪突然分手結束 9年情，其後被發現搭上前香港跳水隊成員吳帥並珠胎暗結，翌年在美國未婚誕下女兒楊卓穎（ Krystal）。回港後楊思琦揚言與吳帥再無任何關係，亦講明不會吃回頭草與李泳豪復合，只會獨力湊女。
故事原來未完。本刊收到消息，李家鼎最近自認有個孫。記者經過連日跟蹤，竟然發現鼎爺真的接載一名 BB，同行的李泳豪表現鬼祟，更對 BB照顧周到，十足三代同堂。
上月尾（ 1月 27日），鼎爺又與現年兩歲幾的孫女見面，享受湊孫樂。對於李泳豪離奇湊 B女，楊思琦驚訝回應：「唔知佢有個女！」事件耐人尋味。
車內有 B女
豪仔快閃上車
當鼎爺安頓好 B女後，李泳豪突然出現快閃上車。戴住 cap帽的他一直低 着頭，不敢向外望，明顯怕被人認出。
上月尾（ 1月 27日），鼎爺到馬術學校教騎術， 68歲的他雖然有小肚腩，但依然身壯力健，下課後更與兩名學生閒聊。
夜會孫女
熟練摺 BB車
教完馬術後，鼎爺一支公駕車到尖沙嘴，接載一名年約三十歲手推 BB車的女子，相信她就是 B女的母親。當她抱起約兩歲的 B女，鼎爺即時摺埋 BB車，放進車尾箱，相當合拍。
早前在九龍城手抱 B女坐在鼎爺車內的五十歲女士，這天晚飯後亦上了鼎爺車，返回鼎爺位於西貢的村屋寓所。
難捨難離
眾人在荔枝角一間酒樓晚飯後離開，鼎爺抱住孫女唔放手。 B女亦輕輕依偎住鼎爺，其後兩人分車離開。
李家鼎與施明離婚後，表面上獨居西貢村屋，但據知小孫女及鼎爺女友亦間中到訪。
楊思琦兩年前與拍拖 9年的李泳豪分手，即搭上空心老倌吳帥。去年她在美國秘密誕下女兒楊卓穎後，返港繼續事業，與吳帥劃清界線，搏命賺奶粉錢養 B。
單親媽咪湊女當然辛苦，但估唔到舊愛李泳豪身邊亦有個兩歲 B女。本刊收到消息，李泳豪父親李家鼎近日不時向朋友透露自己一早抱孫，知情者說：「鼎爺呢兩年收晒火，冇咁火爆。梗係啦！佢成日湊住個孫女，成個人都斯文晒，粗口都講少 咗。鼎爺好錫粒孫，一星期見兩三次，豪仔都有幫手湊，仲好錫 B女。不過佢 哋都好驚俾記者見到，所以豪仔每次都好小心。」
最後一拖
楊思琦與李泳豪最後一次以情侶身份亮相，要數到 10年 6月李泳豪生日會，當時兩人拖實任影。點知事隔唔夠一星期即宣布分手。
晨運自爆有孫抱
有個可愛孫女，鼎爺忍不住口同人分享喜悅。上月尾，鼎爺與一名年約五十歲的女士到 鰂魚涌公園晨運，其間有朋友帶同兩歲小孫女前來，鼎爺即時興奮地指住小女孩，對朋友說：「我個孫女同佢差唔多大喎！佢好跟我 㗎，我下次帶埋佢出 嚟玩啦！」晨運朋友即時想起鼎爺只有兩個仔，就是他與前妻施明所生的泳豪及泳漢，換句話說小女孩的爸爸理應就是其中一位。晨運朋友不禁一問：「你個孫係邊個仔生 㗎？」不過鼎爺即時轉話題，未幾與五十歲女士一齊離開公園。
其後本刊記者亦收到消息，指鼎爺最近身邊經常有個 B女出現。早前，本刊更獨家拍到鼎爺駕車到九龍城接載一名年約五十歲，戴眼鏡的女士，當時該女士一直坐在其座駕內，手抱着 B女。鼎爺安頓好一切後，李泳豪突然出現並四處張望，確定無人留意他，才快速地鬼祟上車，其後四人返回鼎爺位於西貢的寓所。
當年楊思琦狠飛李泳豪，隨即懷有吳帥骨肉，受盡千夫所指。如今李泳豪對神秘 B女照顧有加，而且 B女比楊思琦女兒楊卓穎還要大一歲，事件實在耐人尋味。
對於李泳豪離奇湊住個兩歲 B女，楊思琦透過電話回應時表現驚訝：「唔知佢有個女喎！亦都冇聽過鼎爺有個孫！人 哋家事我唔知，唔關我事！我依家淨係想專心工作，湊大穎穎。其他 嘢我唔會理亦都唔想知，唔該晒。」
見孫女即嗒糖
曾是李家新抱
記者連日追訪鼎爺，發現他平日除了返無 綫拍劇，及在馬術訓練學校教騎馬之外，其餘時間都是湊孫為樂。上月尾（ 27日），鼎爺中午到馬術學校教騎馬，約下午五時專登在停車場把座駕洗得乾乾淨淨，原來是約了孫女。鼎爺放工後先駕車到尖沙嘴碼頭，未幾一名年約三十歲的女子，推 着 BB車前來。 BB車內有一名年約兩歲的 B女，鼎爺一見孫女即時落車，幫手摺埋 BB車放入車尾箱，三人隨即出發到荔枝角，與其他親友一起晚飯。席間雖然未見李泳豪，但鼎爺全程照顧孫女，晚飯完眾人步出酒樓，鼎爺依然攬住孫女唔放，抱到上車為止，可見他愛孫心切。
鼎爺原來係阿公
上月尾（ 1月 31日），鼎爺返電視城開工，向記者否認有個孫女，說小女孩只是學生個女，並無任何關係，但同時又承認曾向外承認有個孫，前言不對後語。
事後記者經過一輪明查暗訪，終有新發現。據知鼎爺與前妻施明 94年離婚後，認識該名現時年約 50歲的女友。知情人士透露：「鼎爺識呢個女友 嘅時候，佢已經有一位十幾歲嘅女。早兩年佢個女仲結埋婚，再生咗個女㖭，鼎爺即時榮升哎吔阿公。鼎爺唔見孫女一日都唔安樂，仲周圍同人講孫女有幾咁得意！」
爆老竇有另一頭家
爆老竇有頭家
上周一（ 4日）李泳豪返 TVB開工，否認有個兩歲女，並指 B女是鼎爺女朋友個孫。豪仔解釋一輪後，覺得自己講多 咗，叫記者唔好爆響口，怕老竇會嬲。
雖然鼎爺否認自己有個哎吔孫女，但紙包唔住火。上周一（ 4日）李泳豪回應本刊記者時，衝口而出爆了老竇大鑊：「個女唔係我 㗎！係老竇女朋友個孫，我都有見過 B女，好得意，不過呢排少見 咗。你都係問番佢（李家鼎）啦！你唔好話我講，佢實 抦我 㗎！」
今年已經 68歲的鼎爺，恨抱孫實在理所當然，假若李泳豪與楊思琦當日無分手，都應該結 咗婚生埋仔，咁鼎爺就真正抱孫喇！
思琦形象轉好
早前有傳楊思琦壓力爆煲要睇醫生，不過她辛苦經營的單親媽媽形象開始被人接受，據知有廣告商找她拍廣告。而早前楊思琦為慈善活動，更湊埋愛女楊卓穎曝光，形象開始轉好。
《蘋果日報》圖片
有指空心老倌吳帥兩年前透過思琦媽認識楊思琦，楊思琦誕下女兒近一年，都未見吳帥蹤影，兩人早已斬纜。
施明大怒
鐵漢柔情
鼎爺是習武之人，當年屬鋼條型的他，有六 嚿腹肌！
龍虎武師出身的李家鼎，二十幾歲開始學習騎術，曾獲多個馬術大獎包括「 IBG國際商務馬術賽」及「 FEI國際馬聯馬術障礙賽」，騎術狠辣，洋人對手稱他做「 Crazy Steve」。
李家鼎憑結實身形兼豪邁性格， 74年追到當年索爆電視圈的施明。有傳當年鼎爺為追施明，單拖揪贏四名龍虎武師，最後抱得美人歸。
兩人於 77年結婚，兩年後誕下大細孖李泳漢同李泳豪，一家四口曾經幸福滿瀉。可惜 94年因性格不合離婚，更有傳當時火爆的李家鼎打爆施明鼻樑，不過鼎爺否認打女人。離婚後大細孖都跟施明住，不過鼎爺早年曾向傳媒透露，想與施明復合：「到依家都冇伴侶，都係想復合。」 
施明當年追求者眾多，鼎爺軟硬兼施，最終娶得施明歸。
結婚翌年便誕下孖仔泳漢、泳豪，一家四口非常幸福。
留言列表
