同你吟一吟
謙仔起雙飛 楊怡未驚過
因為收視口碑叫好，有得添食開續集 嘅《 On Call 36小時 II》上星期三（一月三十日）舉行試造型記者會，除 咗原有班底馬國明、楊怡、羅仲謙，監製潘嘉德再加入「三華」助陣，分別係「醫生始祖」吳啟華、蘇玉華以及古明華。
拍第一輯《 On Call》撻着 嘅楊怡羅仲謙，同劇唔同線，楊怡馬明繼續做一啤，羅仲謙就起雙飛，同岑麗香、李雪瑩有感情線。
劇中一拖二，正印楊怡表現大方：「如果謙仔同佢 哋傳緋聞，咪當幫套劇宣傳囉。」記者話佢開工攞正牌監場睇實，楊怡繼續淡定：「要睇都睇 咗劇本先啦！」
女友未驚過！但獲監製寵倖，有兩美埋身嘅大隻謙似乎擔心多過開心：「暫時未知有冇親熱戲，不過兩個女仔都 响外國大，我擔心溝通問題多 啲！」咩呀！又唔使講英文，一溝就通啦！
假情侶
楊怡同馬明攬到實，但同真命謙仔企埋一齊就扮生外。
真情人
繼續 keep住「蘇基 look」，古明華劇中扮有錢人，第一次拍無 綫劇 嘅朱千雪，就有機會拍重頭劇，都算執到。
監製潘嘉德（右二）搵 嚟蘇玉華吳啟華古明華拍《 On Call II》，差唔多八年冇拍無 綫劇，吳啟華話今次係全新角色，唔係做程至美。
程至美遇上張一健，吳啟華更爆響口話佢會幫馬國明做手術。
全站熱搜
留言列表
