同你吟一吟
李丞責千萬再娶
鄭伊健蒙嘉慧結婚只係請四十人飛去日本做見證，一切從簡，反而再婚 嘅李丞責，為 咗港姐冠軍老婆劉倩婷風風光光做李太，上個禮拜六（二日） 响 Ritz-Carlton筵開五十幾席，加埋二十四人兄弟姊妹團，人強馬壯。
新郎哥話個婚禮花 咗十個月時間籌備，由結婚蛋糕以至現場 嘅大型布景板，都會見到港姐后冠圖案，落足力氹老婆嘅李丞責仲話佢俾女家 嘅禮金，連空手道十段高手都劈唔斷。大婚當日，現場記者追問新郎究竟使 咗幾多錢？李丞責諗 咗陣：「總之加埋今晚擺酒，用 咗八位數字。」
人生大事，唔係用幾多個零去衡量，白頭到老先值錢。
應記者要求嘴對嘴影相，李丞責嘟長個嘴好肉緊。
兄弟姊妹團加埋有二十四人，李丞責再婚一樣鋪張。
全站熱搜
留言列表
