AGRAFE 18K白色黃金鑲鑽石耳環$215,000
Maillon Panthè re de Cartier 18K白色黃金手鐲，鑲有鑽石，白色陶瓷$176,000
Maillon Panthè re de Cartier 18K白色黃金戒指，鑲有鑽石，白色陶瓷$40,600
All from Cartier
白色連身晚裝裙$21,500 Burberry Prorsum
Cover Story
Love Is All Around Amanda S
上月廿一號，正正是 Amanda 33歲的生日。
「我會預早同朋友慶祝，正日留俾老公，不過自從有了自己的法式餅店，都會預留一日和鋪頭員工食飯。」
才燕爾新婚年半，固然可想像說時那一臉幸福表情，就像女人吃完一道馥郁豐腴的甜品，在眉梢眼角留下了滿足的烙印。
「我覺得做生意簡單過做人老婆，以前做人女朋友，毋須兼顧太多責任，但做人老婆就要俾面老公陪佢出去 social食飯。」
相信你也和我一樣詫異意外吧！這位中法混血兒，事業型人妻的骨子裡，不單只入得廚房出得廳堂，開口埋口，還事事以老公的面子馬首是瞻，深明賢慧淑德傳統婦道。
「坦白講，以前唔開心可能會買對鞋氹自己開心，好表面物質，不過做生意之後， I changed a lot！生活真的不容易，自己開心當然緊要，令關心自己的人開心也很重要。 I live better than before，脾氣亦變了很多，老公都讚我變得比以前更細心和有耐性，好 sweet！」
倆小口蜜語，甜蜜程度直情蓋過餅店的小圓餅！
做生意學做人
LOVE 18K白金黃金及玫瑰金項鏈，鑲有鑽石$33,200
LOVE 18K白金黃金及玫瑰金戒指，鑲有鑽石$44,700
LOVE 18K白色黃金鑲鑽石耳環$34,300
All from Cartier
黑色綴蕾絲晚裝裙$68,800 Givenchy by Riccardo Tisci
Amanda是家中獨女，法籍父親從事跨國皮革生意，家境富裕，但因工作關係， Amanda隨父先後居住過法國、台灣、印度和美國，從前的小公主入讀當地寄宿學校之後，學會堅強獨立保護自己。儘管父親一直有意栽培繼承家族生意，只是也許當時年紀輕，萬花筒世界太大，小姑娘見識太少，未定性，更未找到人生目標，模特兒工作也只是其中摸索過程遇到的選擇；直至從熱愛的烹飪興趣中找到方向，希望能擁有自家的法式餅店，結果在 2011年 7月終於圓夢，隨父親影子步上從商之路。
「鋪頭 run咗年幾，運作上總算上了軌道，同事開始理解我的性格：我雖然唔惡，但說話太直，表達方式欠缺包裝，經過長時間相處之後，慢慢夾到，大家關係至無咁緊張。之前佢哋好驚我，鋪頭發生乜事都唔敢出聲，可能中國人不太習慣這種溝通方式吧！後來當佢哋知道我的要求不過是針對事而並非針對人，情況便逐步有所改善，起碼大家都勇於表達，甚至直接打電話向我報告，我好開心同事之間肯互相主動，至少我唔使再估估吓，煩少一樣，人事上輕鬆好多。
「客人口味仍在摸索階段，有部分會覺得食味太甜，有啲阿太會話之前在法國食過隻味唔係咁樣， it's so hard, you know!我試過因為想將 mousse做得靚啲，用真生果 blend成 juice，但客人嫌食落有果肉粒粒，話 mousse應該係 smooth而唔係咁……我覺得好難去 please everyone，所以我決定要做出自己餅店口味 standard！好開心已經儲到批熟客，佢哋真心欣賞我啲 products，好多時我會留在鋪頭直到收鋪，因為可以乘機同客人溝通，見到有客人特登企响鋪頭 logo前影相會好開心，有時客人買完餅企埋一邊食，我會偷睇佢哋點樣食，有無食晒，好食唔好食都想知道意見，我以前做 model係唔會有機會同人 share something，但我依家有自己鋪頭，若能夠將做餅經驗同大家分享，我覺得好滿足。
「會唔會開分店？ No！唔會咁心急，要慢慢嚟，一來租金太貴，而且做生意方面我仲有太多要學，尤其鋪頭依家開始接大公司生意，例如 annual party，仲有結婚蛋糕，每次同客人開會都好緊張，同大公司老闆開會唔係咁簡單，不過壓力都係自己俾自己，因為我覺得要不斷 push，做人先會有進步。」
老婆要識做
LOVE 18K玫瑰金及啡色陶瓷戒指，鑲有鑽石$41,000
LOVE 18K玫瑰金及啡色陶瓷項鏈，鑲有鑽石$30,500
LOVE 18K白色黃金及玫瑰金手鐲，鑲有鑽石$137,000
All from Cartier
紅色圖案連身裙$37,100 Lanvin
同年 8月 30日， Amanda與拍拖八年、在港從事 Banker工作的意大利籍男友 Christian Cappelli亦正式簽字拉埋天窗，就在宣誓一刻，新娘子聽到老公愛的宣言，一時感觸，哭成淚人，歷時分幾鐘，全場親友也被彌漫在天空中的浪漫氣氛所感動，事後新娘子毫不掩飾真情剖白公開答謝老公「 You Make My Dream Come True」，終於等到披上嫁衣這一天的蒞臨。
「自從有鋪頭，已經無再接 catwalk show，因為行一場 show前前後後起碼六、七個鐘，有時間我不如瞓耐啲。之前餅店未 stable，我每朝五點就要返到公司位於黃竹坑的廚房，七點半到鋪頭打點，中午又要去廚房落 order睇住進度，跟住再返鋪頭，直至夜晚八點收鋪，然後執嘢 check貨計數入電腦，全部一腳踢，返到屋企都已經散晒。我記得那段時間每日起身屋企工人都未起身，返到屋企時工人已經瞓咗，每日只靠寫 note同打電話俾工人講低做乜買咩餸，嗰時隔籬鋪頭女仔成日同我講：『真係睇住你一日一日咁瘦。』好辛苦。
「我老公見到最心痛，但又無辦法，好彩佢公司也在 IFC，有時佢會特登落嚟鋪頭睇我，見我忙緊就問 shop manager：『 Amanda今日點樣？有無好 stress out？有無食嘢？』…… something like that！有時鋪頭女仔又會主動打俾我老公，靜靜雞話佢知我忙到未食 lunch，叫佢快啲買嘢食俾我，哈哈哈，講起都好 sweet！」
「現在鋪頭運作較穩定，行開行埋無我睇住都 OK，叫做好啲，有多啲自己時間，可以帶狗行山做運動，然後每星期搵一晚同老公出街食晚飯，傾吓偈， keep住拍拖感覺。我覺得我哋同其他 couple好唔同，嗌交時會嗌得好犀利，開心時又會熱情到不得了，好少有兩公婆之間冷戰場面，態度好 extreme！所以我覺得做生意簡單過做人老婆，做老婆有太多學問， even就連佢公司有乜嘢重要人物生日都要記住，記得幾時送蛋糕，聖誕送咭送曲奇，新年派利是俾邊一個，有邊啲人利是唔可以送過去要親自派，全部都要識做，濕濕碎碎都要盡老婆責任照顧周到。」
正正得負？
LOVE 18K玫瑰金及啡色陶瓷戒指，鑲有鑽石$41,000
LOVE 18K玫瑰金及啡色陶瓷項鏈，鑲有鑽石$30,500
LOVE 18K白色黃金及玫瑰金手鐲，鑲有鑽石$137,000
All from Cartier
藍色單肩晚裝裙 售價待定 Elie Saab
娛樂圈催婚趕生的骨牌效應，早已由公仔箱吹到上天橋模特兒界， Lisa S蛇年生女，龍年壓軸新娘 Kathy亦謂希望不負眾望努力造人。在吸引力法則的磁場影響之下，未知身為好姊妹的 Amanda可有家庭計劃？
「短期內都唔會生小朋友，我太投入鋪頭工作，唔想承受太多其他壓力，或者等生意再穩定啲先。我喜歡小朋友，但未至於瘋狂，其實我唔識同小朋友溝通，可能 education問題，以前同爸爸媽媽食飯，一家人有好多話題，現在的小朋友往往只會想對住電腦，我老公就有方法令到小朋友同佢玩而唔會想對住電腦。」
然而一個意大利籍，一個中法混血，兩者皆輪廓深邃，二人的愛情結晶，理應似公仔有品質保證。
「 No! No! No! Don't say that！我同老公睇過好多 Hollywood八卦雜誌，爸爸係明星靚仔到暈，媽媽又係明星靚女到暈，但生出嚟 BB個樣麻麻哋， you never know，生出嚟唔一定靚㗎！」
名模要求果然高。 
撰文：趙朗楨
形象：吳夢珊
攝影： Simon C
化妝： Chris@Zing the makeup school
髮型： Angus Yeung@Triple 8 Salon
mailto:nextplusone@nextmedia.com
留言列表
