818 娛樂八掛大放送★

外賣仔陳山聰短褲現龍躉 160,235 



【今日我至脹】平日係潮人嘅陳山聰，夜晚竟然外賣仔上身，着條短褲仔就去買外賣。可能近排佢養尊處優，身形真係暴脹咗好多。

【中環】沉醉同賭王何鴻燊千金何超雲拍拖嘅陳山聰，陪女友過住養尊處優嘅生活，由昔日身形fit爆嘅潮人，變成周身福氣嘅住家男人。
大前日下晝4點，冇女友喺身邊嘅山聰現身中環，雖然身形有變，但仍然戴晒黑超、着晒潮服嘅山聰去咗Starbucks買咖啡，等咖啡期間不停㩒電話，後來發現記者影相，就友善地打個招呼，攞咗咖啡後，山聰急步行去櫃員機㩒錢，之後喺安蘭街人群中消失。

■山聰嘅巨躉，真係有小小嚇人。 

■陳山聰買完麵喺門口等，側身一企現出大肚腩，睇嚟好有福氣。 驚見巨腩雙下巴

點知到咗夜晚7點幾，山聰坐住何家靚車去中環歌賦街九記牛腩買外賣，見到換咗條短褲嘅佢一個箭步入咗九記，買完就喺門外等，可能真係經常食好嘢，換咗便服嘅山聰，一時鬆懈，任由佢個龍躉、巨腩同雙下巴現晒形。等外賣嗰陣佢又係唔停咁玩電話，司機見有記者影相同佢單聲，佢即刻閃入舖頭，跟住買完麵就上車返歸嘆。
採訪、攝影：吳耀輝