陳敏之部署生B 係時候結婚

陳敏之罕有於劇中飾演警察角色,不過由於有童年陰影,敏之不諱言拍開槍戲時嚇到喊,為角色衝破三十多年的心理障礙。喜歡小朋友的她又表示,將來可能會為生BB而結婚也說不定。



陳敏之坦言喜歡小朋友,更可能為生BB而結婚。

陳敏之於新劇《法網狙擊》中飾演警員,經常揸槍上陣,鮮有飾演這些角色的她表示雖然本身很想做警察角色,但奈何她有童年陰影,每次拍完開槍鏡頭,都會冒出一身汗。敏之說:「今次係要開真槍,啲槍聲好真實,細個表哥曾經喺我耳邊拮爆啲氣球,之後我就好驚聽到呢啲啪啪聲,就算平時做司儀側邊有啲響炮儀式,表面上我好似笑住咁,其實內裏我都好驚。」

幸運遇乖仔

敏之指初時監製都只是氹住她,之後才告訴她要開真槍,拿着AK47上陣,卻不能露出半點恐懼神色:「我拍完喊到傻咗,不過佢哋全場拍掌,呢套劇可以話係衝破我三十多年嘅心理障礙。」


陳敏之以眼淚衝擊心理關口,拍劇開槍嚇到喊。

陳敏之表示就算將來結婚,都不會高調擺酒。

另外,敏之於劇中有個兒子,她笑言第一次飾演母親就遇着「乖仔」,非常幸運。敏之說:「啲人成日嚇我,話同小朋友合作唔使旨意收工,不過我反而早收工,佢六歲幾,思想就十歲,由於要拍啲喊戲,所以好多時都要講啲說話令佢喊,我第日一定唔會畀個仔做童星,實在太殘忍。」

要低調浪漫

說到小朋友,敏之表示將來都會生小朋友,她堅決謂:「基本上我係可能為生BB而結婚。(有冇計劃?)冇特別去計劃,我同男朋友都拍拖八年,最緊要係身體好,咁就乜都得,但係自己心理上都要準備好先。」問家人有否催她早日出嫁和生孩子?敏之說:「家姐伍詠薇同媽咪都冇催,不過都覺得差唔多嘞!但係因為我同男友感情好穩定,所以佢哋唔會特別催,結婚呢件事一定會發生,但順其自然,可能突然間都未定,不過我唔會將婚事搞得太鋪張,要求低調、浪漫。」

文:影視組

攝:劉智源

場地:Assaggio@Mira Mall 鞋:INNIU ITALY

陳敏之聞槍喪膽

陳敏之在新劇中罕有地飾演警察,卻原來她有童年陰影,很怕聽槍聲及巨響,當監製要求她開真槍上陣時嚇得狂哭,但總算衝破心理障礙。

陳敏之於新劇《法網狙擊》中飾演警員,雖然她渴望飾演警察,但今次真的大犧牲,事緣她有童年陰影,每逢聽到巨大響聲,例如紙炮,便會嚇得冒汗!

但拍到尾聲時,監製要求敏之開槍,她一拍完即嚇得狂哭,要同劇演員安撫!大家都為其勇氣鼓掌,敏之可謂衝破了30多年的心理障礙,她說:「今次我哋喺劇入面要開真槍,細個時表哥曾經喺我耳邊一個又一個氣球咁拮爆,之後我就好驚聽到呢啲啪啪聲。平時做司儀有響炮,表面上我好似笑,其實我好驚,甚至標晒汗。」

敏之於劇中面對的第二個難題,就是跟小朋友合作,不過今次較為順利,她笑說:「啲人成日嚇我,話同小朋友合作唔使旨意收工。不過我好好彩,遇着個『乖仔』,反而可以早收工。不過劇中個小朋友成日要喊,好慘,我第日一定唔會畀個仔做童星,因為實在太殘忍喇!」

為生BB結婚

坦言喜歡小朋友的敏之,很可能會為生BB而結婚。問到可有結婚計劃?她說:「都冇特別計劃,我同男朋友拍拖八年,最緊要身體好,咁就乜都得,但係自己心理上都要準備好先。(屋企人催你?)『家姐』伍詠薇同媽咪都冇催,不過佢哋都覺得差唔多喇!但因為我同男友感情穩定,結婚呢件事一定會發生,但順其自然,可能突然間都未定,但絕對不會鋪張。」

影視組

雖然有童年陰影怕槍聲等巨響,不過能飾演警察亦令敏之振奮!

敏之衝破30多年的心理障礙,拍劇開真槍上陣。

敏之開完槍嚇到喊,我見猶憐。

跟男友感情穩定的敏之,隨時為生BB而結婚!

arrow
arrow
    全站熱搜

    tvb4life 發表在 痞客邦 留言(0) 人氣()