close
何超蓮夜蒲俾仔撩
賭王何鴻燊三太幼女何超蓮，早排為應付ACCA專業會計考試，晚晚挑燈夜讀。難得聖誕節唔使讀書，超蓮梗係搵朋友出街蒲啦。平安夜晚雖然人多車多，緋聞男友吳克群唔係身邊，但超蓮完全唔愁寂寞。身嬌玉貴超蓮冇司機同保鏢情況之下，同龍鳳胎細佬何猷啟及朋友去中環安慶台唱K。
佢由平安夜唱到聖誕日凌晨3點先盡興返屋企，雖然超蓮飲到面仔紅紅，仍然可以住對3吋高街，保持住儀態咁落樓梯去搭車。不過超蓮一出現，全條街人尤其男仔，個個都眼甘甘昅實佢，有仲唔蝕底同記者一齊影相。期間有男人大嗌：「你條底褲俾人影晒喇！」之後又有人斗膽超蓮面前手指指兼用粗口辱罵：「撩X佢！打X佢呀！星巴佢啦！」雖然眼見對方舉手作勢兜巴星，但超蓮依然淡定，保持何家淑女風範懶理對方。
其後超蓮直言以前有遇過類似事件，所以從未驚過。雖然當時已經係凌晨時份，但中環仍然實施緊交通封路，要行到鏞記先可以俾的士上落客。冇司機超蓮唯有焗行，最後等15分鐘先上到車，真陰功！
放大圖片
全站熱搜
留言列表
