媽咪姐
ATV「密室洗腦」升級
視要藝人返「洗腦班」，成為城中熱話，媽咪姐都覺得亞視過分呀！事關班藝人上堂時要打卡，晨早 10點就有七位人事部職員企喺課室等佢 哋， 5分鐘後就會拎走部打卡機，遲到三次或無故缺席者便處分。上堂時仲有兩部攝錄機拍低情況，真係幾白色恐怖囉。最慘係一早講 咗平安夜下晝唔使返學，點知上晝突然同藝員講要返。嘩！簡直天怒人怨啦！原本做緊六合彩嘅戚黛黛，因缺課被炒後， ATV要急急搵人頂替，叫晒全台女藝人回公司試鏡。梗係啦！你估六合彩主持易做呀？又要發音準，又要大方淡定，當日都搵 咗好耐才搵到黛黛㗎。不過唔緊要啦，亞視執行董事盛品儒早前講「眾所×知」，被網民封「新粗口王」。搵佢做話唔定有 1點收視喎！
亞姐姚嘉雯見戚黛黛（下圖）被炒，嚇到妝都未化就晨早衝返 ATV上洗腦班，真陰功！
ATV發內部 SMS俾員工，強制上堂，慘！
邊個同「卡拉之星」咁似樣？
全站熱搜
留言列表
