媽咪姐
袁靚靚攬熊上身亂晒龍
袁靚靚攬熊上身亂晒龍
當晚佢哋食到 10點幾，張智霖（ Chilam）同親友一馬當先，拎住四、五袋禮物離開。不過行咗幾步， Chilam又行返轉頭開門，原來袁詠儀（靚靚）抱住囝囝慕童出嚟，冇手開門。話時話， 6歲大嘅慕童都讀緊小學一年班，仲要靚靚做「樹熊媽」，抱住佢出出入入，連儀容都唔理。你話母愛幾偉大吖！
張智霖同女親友幫慕童拎禮物，其中有盒「燒肉王」玩具，玩法係鬥搶燒肉爐上嘅假食材。幾益智，啱晒慕童玩。
靚靚抱住阿仔上斜再上車，慕童雙腳無用過！可憐靚靚仲要拎住個 Hermè s，頭髮亂晒都執唔到囉。
同場加映
靚靚狼狽相任睇，黃佩霞同鬼佬老公 Ryan同阿仔就又食又拎，笑到四萬咁口。周汶錡個法籍老公 Julien企喺後面，亦瞇瞇笑。
衰佬，你唔好企埋嚟呀！（設計對白）
不過，唔知點解周汶錡一出現，就死都要同老公 Julien尷尬分開企，中間隔住上山詩鈉母女。到周汶錡上的士一刻， Julien先衝上的士。為乜呢？
全站熱搜
留言列表
