呢排拍笑片拍到拎埋獎嘅鄭中基，三兩下手勢就𠱁到老婆笑到見牙唔見眼，但點解唔同老婆拎埋袋嘢呀？
有我鄭中基，包你笑到喘晒氣！﹙設計對白﹚
媽咪姐
鄭中基洗底爹哋
自從囡囡 Emma出世後，由「無賴」轉型做「愛妻號」嘅鄭中基，近排中港兩地飛搵奶粉錢，上月尾佢仲憑《低俗喜劇》擸咗金馬獎男配角，事業、家庭皆得意。前幾日，媽咪姐就撞到佢忙裏偷閒同老婆余思敏揸車去數碼港商場行街兼拍拖。雖然賣甩咗囡囡，不過兩公婆一見 BB用品店，二話不說就走入去。睇完襪仔睇衫仔，仲試咗幾款圍欄㖭。係㗎，囡囡家陣歲半大，識爬識走真係要睇實，況且佢哋喺淺水灣間屋有幾層樓咁高，囡囡容乜易蕩失路㗎！
余思敏一手擸咗半打襪仔，同 Ronald慢慢揀，驚死凍親囡囡。
揀圍欄嗰陣，鄭中基心思思又想買埋個牀欄，安全意識做到足！
余思敏將自己同個女嘅合照放上微博，鄭中基即時笑晒留言，余仲話係個女「發相給 daddy」，真寃氣！
全站熱搜
留言列表
