close
對於傳出婚訊,超雲話:「唔知你哋想點傳,一時傳話分手,一時傳話結婚!」而媽咪姐睇完呢張相,見陳山聰孖超雲喺「宮」中出車,居然膽敢唔幫「公主」開埋車門,睇嚟下次應該會傳小聰子恃寵生驕喎。
我入得嚟,就無咁容易走㗎!(設計對白)
媽咪姐
陳山聰未出「宮」
數數手指,何超雲同陳山聰原來已經拍拖兩年!不過呢段豪門風雨情近排又有暗湧,先係月初無端端傳出兩人吵大鑊分手,跟住月中又有讀者報料,話佢哋已經秘密結婚喎。講真句,媽咪姐梗係一千萬個唔信超雲會低調嫁人啦!賭王個女喎?貪靚到暈、日日微博騷新 look嘅超雲喎?咪傻啦!
之不過,媽咪姐可以話俾大家聽,小聰子依然深得「公主」歡心嘅,事關早幾日,先見佢喺三太大宅出現,仲同超雲孖住上車㖭!嗱,可以自由喺「宮」中走動,即係地位無變啦。但小聰子近期都有返 TVB同樂易玲呀李添勝呀傾吓偈,話晒都三十有六咯,係要留條後路俾自己嘅。
三太大宅近日有裝修工程,工人不斷搬大型傢俬入屋,外牆搭晒棚,唔通呢次真係好事近,要執靚間屋迎聰聰?
超雲 set靚個頭,同陳山聰喺聖誕樹前留影,再 post上微博。除咗應節,媽咪姐喺佢哋面上仲見到兩個字,寃氣呀!
全站熱搜
留言列表