黑超家族
周一（ 24日）係平安夜，三哥苗僑偉一家四口，下晝 4點幾就喺上環信德中心出現，坐船過澳門，預先安排好一切。睇吓三嫂戚美珍同大女苗彤、細仔苗俊都同三哥一樣，戶外室內一超通行，「家學」淵源呀！
帶咗超未？ Chok咗未？ Action!（設計對白）
媽咪姐
三哥聖誕帶隊 澳門掃場
三哥一出，誰與爭鋒！近年復出幕前嘅三哥苗僑偉，拍親劇都差唔多做大佬，既 chok住做飛虎教官，又 chok住去掃毒。最緊要嘅係，佢成功將呢份「大佬味」融入埋生活，繼早前帶頭護送曾志偉去警署，協助調查掌摑事件後，最新任務係……帶住一家大細，外加成班 TVB藝人過大海，連走幾場， happy過聖誕！
星級團員名單計有 Laughing哥謝天華、展 sir馬德鐘、阮兆祥等，個個仲要攜眷出席，極度俾面。三哥全程跟足，指揮若定，而面上嗰副「大佬超」，仲從來無除低過㖭！型到呢，怪唔之得連大名鼎鼎嘅 Laughing哥同展 sir要跟佢去澳門搵食。
永利 call車
大隊先去永利酒店食個飯，玩一轉，再等上專車轉場。三哥頭岳岳同賭場人員安排行程，幾有台型！
謝天華帶埋老婆（ Tina）去玩，但全程兩手 fing fing，由 Tina攞住大袋行李，唔通 Laughing哥只識揸槍唔曉攞袋嘅？
無綫高層樂易玲都有份跟三哥過澳門玩，佢手指指叫拉住喼嘅女傭行快啲，而囝囝（右一）就自己拖喼行，乖仔喎！
銀河點兵
夜晚十二點幾，大班藝人又跟三哥轉場到新開無耐嘅 Galaxy銀河酒店包房唱 K。三哥好盡責㗎！回頭望望，點齊人先上樓。
排好隊，唱 K都要講秩序！（設計對白）
平日都鍾意做大佬嘅馬德鐘，呢日跟住三哥四圍食四圍玩，即刻低調，經常同老婆齊齊殿後，好識做人。
全站熱搜
留言列表
