娛聞樂

商台新城唔 buy 古巨基缺席頒獎禮內幕

2012年12月28日 ~~ 第909期 忽然1周

今年在樂壇成績唔錯的古巨基,憑〈戀無可戀〉角逐各大頒獎禮,此歌在 youtube點擊率過百萬,可惜在頒獎禮前夕,英皇與新城及商台都傾唔掂數,最後辣㷫古巨基,臨時決定唔玩。
一向跟商台關係麻麻的古巨基,以為好友陳志雲入主後可以打破僵局,可惜今年「叱咤」,他竟然連五強都唔入。至於「勁爆」,基仔要求今年與陳奕迅平起平坐,豈料新城一樣 buy Eason。為免連輸兩鋪俾死敵,基仔不顧公司反對,一意孤行拒絕出席頒獎禮,以示抗議。

本周四( 27日),樂壇第一張成績表由新城派發 160個「勁爆」豬肉獎。為了幫古巨基打響頭跑,英皇一早與新城講數,講到明要同 Eason平起平坐,否則缺席唔玩。但由於 Eason今年肯抽空兩度出席為新城搞騷,幫新城搵到不少贊助,所以獎項分配始終被睇高一線,令基仔意興闌珊。

冧志雲無功而還


古巨基身為「迷雲黨」成員,今年為商台聲演廣播劇《告別我的戀人們》,又出席陳志雲主持的《你和我和時代挑戰》節目,以及梁泰來主持的《 1圈圈》(上)宣傳活動,一度為商台出盡力。

不過,最令古巨基 㷫爆的,是連商台「叱咤」五強都不入。自今年與他私交甚篤的陳志雲入主商台後,古巨基以為有運行,更戮力為志雲愛將梁泰來的節目《 1圈圈》撐場。可惜陳志雲無權插手二台的頒獎禮,幫唔到基仔 fight獎。
知情者說︰「二台係甘菁菁話晒事,加上係老臣子,陳志雲想插手二台事務都好難。二台 啲 DJ個個好有性格,做節目時連陳志雲都敢寸。好似鄒凱光,做節目時會笑笑口話︰『呢度唔係一圈圈』。咁甘菁菁一向 buy Eason,加上佢老公又係環球高層黃劍濤,關係好密切。」 

其實失意「叱咤」,一直是古巨基的心結。去年他在「叱咤」食白果後,不堪打擊,曾向公司詐型,而英皇為了平息其怒火,負責行電台線的資深員工 Rick未幾就突然離職。
站在唱片公司立場,古巨基雖然失意「叱咤」,但因四大唱片與無 綫未破冰,基仔在無對手之下,必定穩袋「勁歌」男歌手大獎,五度 冧莊。所以基仔未正式宣布缺席頒獎禮時,吳雨曾游說他打消「唔玩」念頭。可惜基仔一意孤行,吳亦勸阻不來,加上基仔已暗中加簽了英皇,更加無懼公司(英皇)反對。吳亦出到口話︰「基仔同我講要放假,但公司立場梗係想佢出席。」


將加盟英皇的張敬軒,連經理人約亦簽埋。因親生仔關係,難怪明年獲英皇力捧。而軒仔一向在「叱咤」成績不俗, 10年度還力壓基仔攞銀獎。


商台一向 buy唱作歌手,今年與容祖兒唱〈雙子情歌〉的羅力威,播放率奇高,更力壓古巨基入「叱咤」五強。

古巨基熱播失獎




古巨基強調唔玩頒獎禮係同英皇取得共識,不過當記者提到與他共事幾年嘅同事離職,他就擺出一臉愕然。基仔的〈戀無可戀〉在 youtube有過百萬點擊率,咁都冇份爭《叱咤》男歌手,又難怪他不滿。 

陳奕迅等攞金獎


Eason為新城做騷,加上又是「神級」歌手,難怪新城會睇佢頭,不惜得罪古巨基。他的〈重口味〉雖然熱播,不過在 youtube的點擊率都只有 50萬,僅及〈戀無可戀〉一半。





周柏豪升呢奪銀




周柏豪有冠軍歌〈無力挽回〉,其 youtube點擊率有 46萬 7千,有望由去年銅獎升呢。 

周國賢首入三甲


周國賢以〈時空〉的 youtube點擊率較高,不過都只是 22萬 4千。但商台獨愛創作歌手,今年有勢的周國賢勢必奪銅。





方大同梗頸四


方大同今年有兩首「叱咤」冠軍歌,兩首 MV在 youtube的點擊率都逾 40萬,〈 BB88〉更高達 48萬。





吳雨力說出席


至於古巨基,先向相熟傳媒放料,然後在平安夜公開宣布「唔玩」消息。
問到缺席會否令英皇唔開心,古巨基說︰「同大哥(吳雨)及 Mani都有商有量,大家慢慢傾,冇意見分歧,大家都 OK個賽果。其實我續 咗約,獨家話你知!」
問到上年向英皇反映唔滿意「叱咤」賽果,未幾即有宣傳部負責電台的員工離職。古巨基一臉愕然:「吓!冇喎,唔清楚喎。」此時身旁的經理人即把他拉走。
作為英皇一哥的古巨基,全公司當然買佢怕,不過今年佢唔玩頒獎禮,英皇得番林峯獨撐,男歌手成績會差一截。但明年頒獎禮,有剛加盟的實力派張敬軒,連商台都 buy的張敬軒,分分鐘是他跑出。基仔可能又要失落「叱咤」。

容祖兒奪「叱咤」女歌手


金獎
容祖兒

今年「叱咤」男歌手金獎基本上已是 Eason囊中物,而有〈正好〉及〈加大力度〉兩首冠軍歌的容祖兒,則是「叱咤」女歌手金獎大熱。至於銀獎就係王菀之同楊千嬅之爭,論人氣和當旺度,以及商台向來偏愛,自然是剛為人母的楊千嬅佔先。 




銀獎
楊千嬅


銅獎
王菀之

林峯攞「勁歌」男歌手補數


今年「勁歌」頒獎禮,古巨基唔玩,林峯大有機會包辦「最受歡迎男歌手」及「亞太區男歌手」兩大獎。

由於 TVB同四大唱片公司仍未傾掂數,「勁歌」頒獎典禮仍是英皇天下。林峯失落視帝,但 TVB為𠱁番 Chok峯,加上有大量峯迷支持,林峯勢必首奪「最受歡迎男歌手」。而容祖兒就大有機會連續三年奪得「最受歡迎女歌手」。 

網民心水清




對古巨基失落「叱咤」,普遍網民都好有意見,不少更直指是商台的方針有問題。 

採訪、撰文:娛樂組
攝影:鄭家駿

arrow
arrow
    全站熱搜

    tvb4life 發表在 痞客邦 留言(0) 人氣()