讀卡器係瑞典公司 Swish出品,體積成三分一部 iPhone 4S咁大,仲要塞張卡入去讀,咁咪 嘥晒 payWave信用卡可以啪卡消費 嘅設計?

IGOSSIP

流動「新」方案

2012年12月27日 ~~ 第1190期 香港《壹周刊》

上星期大新銀行同 Visa聯手搞發布會,話會有「創新流動付費方案」,以為會學似今年倫敦奧運,嘟手機就可以買 嘢,點知……錯晒!原來只係叫商戶加 嚿讀卡器落部 iPhone度,等佢 哋可以用手機收信用卡錢!


無線嘟一下手機就買到麥當勞 嘢食,咁先算係「流動付費方案」囉!

唔係 啩,人 哋滙豐已經試緊手機俾錢, iPhone用家只要加個皮套,買 嘢 嗰陣嘟機搞掂,型好多喎。問在場公關點解仲要加咁大 嚿讀卡器,佢話其他銀行出嘅讀卡器淨係讀到信用卡磁帶,呢部就連晶片都讀埋,所以要大部 啲……但係滙豐講緊為個人客戶將信用卡資料掟入有 NFC晶片嘅皮套,唔使再帶信用卡,咁點計先? 

Instagram新政激嬲用家


Instagram新條款一出,各大科技網站例如 CNET即刻一呼百應,教人點 backup相兼刪除 account。

今年四月 Instagram推出 咗 Android版,已經令 iOS用家好唔滿意,話拖低晒相片質素,仲拉大隊話罷用。既然有 Android生力軍補充,推出第一日已有過百萬下載,加上又俾 Facebook收購,所以 Instagram都唔使理 iOS用家感受。
不過,上星期 Instagram靜靜雞修改使用條款,表明下個月 16日起有權將用家 嘅相賣俾其他人而唔需要分錢,惹 嚟用家空群反 枱,先有幫 Facebook CEO Zuckerberg影結婚相 嘅攝影師 Noah Kalina揚言唔撤回新條款,就會同朋友罷用; National Geographic亦恫嚇要結束賬戶,搞到 Instagram急急出 嚟澄清只係用字問題,完全冇獨食打算。但講到尾截稿時只答應會修改字眼,唔係撤回,到時一定要睇清楚新條款有冇魔鬼細節喇! 

WP8唔高清


J butterfly屏幕解像度同你屋企部高清電視一樣,但縮細到得番 5吋,可想而知畫面會有幾靚。

手機屏幕愈出愈靚, Android陣營下年就有唔少新機會用 1920× 1080解像度高清靚芒,好似 HTC旗下部 J butterfly(唔知幾時先引入香港),外國傳媒一致大讚。諗住 HTC有生產 Windows Phone 8手機,應該好快都有全高清版本,點知原來冇呢件事,事關 WP8現階段最高只顯示到 1280× 720解像度,難怪上個禮拜會傳出 HTC煞停出 5吋以上 WP8手機 嘅消息啦,有咁大個芒又點?出 嚟唔夠靚同細緻,冇噱頭彌補品牌號召力弱項,真係唔出好過出。 

text:潘健文、周群雄

arrow
arrow
    全站熱搜

    tvb4life 發表在 痞客邦 留言(0) 人氣()