社交圈

仔女大晒

2012年12月27日 ~~ 第1190期 香港《壹周刊》

養兒一百歲，長憂九十九，放諸於普通人或有錢人身上都適用，無論子女做錯乜嘢，父母總會包容，挺身擋子彈。

謝玲玲愛護有加


記者圍着心兒兩母女，超盈無癮行開。

林建岳前妻謝玲玲帶住三女心兒，出席膳心連《孤星淚》慈善首映，仲照顧埋四太長女何超盈。記者問心兒 fb的啜胸相時，謝玲玲攬實女兒以表支持，心兒說：「啲相好耐啦。」講到大女恬兒同何柱國兒子何正德拍拖，謝玲玲就話：「仔女拍拖最緊要係兩個人開心。」 

趙式浩出口護仔




卓能主席趙世曾兒子趙式浩，一家三口剛去完泰國旅行，上週一佢同女友 Winnie（圓圖）帶埋一歲兒子趙子勤返港，他笑着說：「去打 golf。」點解唔過埋聖誕先返？「咁耐唔啦！」出閘時式浩負責抱 BB，見記者影相即緊張話：「我個仔有乜事唯你是問！」 

薛芷倫親子活動


上週四 Club Gala's開幕，薛芷倫不但現身撐老友，仲帶埋兒子 Justin（左圖左）、女兒 Tess和女兒男友 Byran（左圖中）赴會。 Fanny甜爆話：「今晚一家同大仔慶祝廿一歲生日，佢喺美國讀酒店管理。」剛巧現場有多部法拉利，問她會否送車給兒子？「呢 啲留番老豆做，我送個心，我們會傾拍拖 嘢。」





CY女餅印出場




上週四特首梁振英上京述職，同日晚上他的太太唐青儀就出席膳心連首映，公關冇特別介紹她的女兒，但一睇樣就知係梁太嘅二女齊昕（左二）和細女頌昕（左一），三母女好低調，直至睇表演時，梁太向身旁的郭炳湘介紹兩個女兒（小圖），面對記者，齊昕淡定說：「喺英國返 嚟兩日，有少少 jet lag。」 

撰文、攝影：名人組

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄