肥死人咩！（設計對白）
劉浩龍鑽研泰國肉碎飯，仲有免油炸薯條， Joey食完唔怕熱氣傷聲。
同你吟一吟
劉浩龍下廚 冧 Joey
時下圈中人入廚成風，繼謝霆鋒離婚後變身住家廚男，天后鄭秀文亦唔例外，由蒸水蛋到意大利粉，中西餐都難佢唔倒，另一半許志安大有口福！估唔到連劉浩龍亦加入熱潮，變身大廚開爐獻技。
劉大廚廚藝相當國際化，作品有韓國泡菜海鮮豆腐湯、泰式肉碎飯、用免油炸鍋整 嘅薯條，梗有一款 啱 Joey口味！
要同愛人天后度過首個拍拖聖誕，劉浩龍當然唔會怠慢！上個禮拜二（十八日），《壹》仔見佢 响跑馬地一間文具鋪，又買顏色筆又買畫紙，十成九係要整張 DIY心意卡，加埋愛心大餐，呢個聖誕， Joey肯定飽飽滯滯。
弊！俾人發現添！（設計對白）
劉浩龍買 咗兩大張綠色同橙色畫紙，仲有一盒顏色筆，擺明係想整 DIY心意卡俾女友，大計俾《壹》仔發現，劉浩龍個樣好唔 like，急急腳攞車走人。
全站熱搜
留言列表
