我係打不死!(設計對白)
鍾意話事 嘅三哥,拍新劇《好心作怪》一派大哥模樣,拍攝時俾好多意見,甚至有權改劇本。

探熱針

不死鳥 企硬唔肯死 三哥苗僑偉變大哥

2012年12月27日 ~~ 第1190期 香港《壹周刊》

今年九月出街的無綫劇《雷霆掃毒》好收,劇中有徐子珊一秒強姦引起話題外,苗僑偉飾演的毒品調查科行動高級督察向榮,在結局枉死,亦引起網民熱烈討論。據知,早前夥拍黃宗澤合作新劇《好心作怪》的三哥要死多鋪,但不甘在劇中一而再無好下場的他,企硬唔願死;明知三哥同曾志偉一樣,跟大老闆陳國強私交甚篤,編劇唯有就範改劇本,三哥話唔死就唔死!

三嫂受惠


《好心作怪》原本安排劇中飾演富商,由奸變忠的的苗僑偉跟老婆萬綺雯一齊死作為結局,但三哥唔接受,無論監製講乜,總之企硬唔肯死!監製張乾文唯有配合,邊拍邊改劇本,如三哥所願,但萬綺雯則維持原判。
「三哥覺得自己之前 喺《雷霆掃毒》死得唔抵,所以今次點都唔肯死,佢話死 咗就無得拍續集,三哥都有幫手度橋改劇本。」一名幕後人員說。
苗僑偉地位凌駕監製!由回巢拍《學警雄心》開始,縱然他跟無 綫只簽部頭合約,但因為與高層關係密切而享有特權,可以自由揀選無 綫經理人為他打點事務,連帶戚美珍亦受惠,年前她以玩票性質接拍台慶劇《富貴門》,無 綫派出經理人照顧周到外,拍劇時三嫂更可指定用自家髮型師跟場。


地位超然,又得民心的三哥,與劇中演員個個夾得來。等埋位時,黃宗澤、周麗淇會圍住他吹水。


舊劇死唔甘心
因不甘在《雷霆掃毒》死於槍下,搞到冇得以向 Sir身份拍續集,故三哥在新劇不肯再一次以死收場。

唔俾影相


無 綫易主後,老闆殼王陳國強跟志偉阿叻三哥同屬死黨,地位更加超然。佢唔肯死,冇人夠膽 say no!
月前無 綫台慶做大龍鳳招呼廣告客,當時出緊街的《天梯》及《雷霆掃毒》演員要表演其中一 part,但因彩排需時,最後三哥話事,將本來大鑼大鼓出場改為簡單,苗僑偉一聲令下,無人敢異議。
早前,苗僑偉與黃宗澤、周麗淇,在石澳為《好心作怪》拍煞科戲,現場所見,三哥如導演般指揮大局,其間,他趁埋位前上電食支煙,但一見記者舉機,即刻開聲阻止。
「依家係我自由時間,唔好影!」無 綫多大佬,苗僑偉絕對係其中之一。


早前為《好》劇煞科,話事的三哥送上馬拉糕為黃宗澤賀壽,又做埋媒人,撥行大葵扇撮合黃宗澤同周麗淇,命令她送吻俾壽星仔。




曾志偉現是無 綫話事人,與他死黨的三哥三嫂,在無 綫地位亦自然提升。早前志偉在婚宴與黃浩爭執,三哥便陪他到警署。


原本萬綺雯在新劇有三哥陪葬,但最後劇情改到得她一個冇好下場。


五十四歲的三哥保養得宜,故復出拍劇後便成師奶殺手,拍親外景總被一班師奶 fans圍住。



打橫行


有殼王光環照耀,曾志偉、陳百祥、苗僑偉等多年老死,在無綫打橫行外,不少與他們有連帶關係的人,同樣可以恃殼行兇。

戚美珍




孭飛主持無綫飲食節目《珍情品味》,三嫂一而再投訴製作組唔夠班,結果成組人換晒,變成由三嫂跟志偉合作的製作公司負責包拍,有別於無綫一向慳儉作風。 

余詠珊




由 N年前 Star East開始,一直跟志偉關係密切的余詠珊,今年初入無綫,權傾綜藝科,恃住夠牙力的志偉射住,由大使幾百萬搞《 2012翡翠歌星紅白鬥》,但收視滑鐵盧,到普選港姐出錯成為笑柄,依然得獎門人幫口:「向來做嘢都係咁搏!」次次出事,余詠珊都唔使孭鑊。 

撰文、攝影:娛樂組

arrow
arrow
    全站熱搜

    tvb4life 發表在 痞客邦 留言(0) 人氣()