探熱針
蔡依林 G級人頭奶
Jolin蔡依林一連兩場於台北小巨蛋舉行 嘅「 Myself世界巡迴演唱會」，上個禮拜六（十二月二十二日）開騷。
前一晚總綵排，同男 dancers練習「雙人自轉鋼管舞」， Jolin不慎從高處墮下，由於頭部先着地，傷及脊椎，造成肌肉痙攣、左手中指無法動彈、其餘手指及左腳亦出現麻痺和無力。
周身傷，不過 Jolin依然頂硬上，更將 G奶推至頂峰，大過人頭。
取消玩鋼管
經過一晚休息， Jolin傷勢雖然有緩和，但開騷前左手依然無力，好在未嚴重至影響演出。
一向有「拼命三娘」封號的 Jolin，的確可以為工作不惜一切，不過大會擔心意外重演，最後決定取消「雙人自轉鋼管舞」環節。
手腳受傷，但 Jolin的 G奶依然屹立不倒，尤其著上充滿聖誕氣氛、以立體剪裁而成的閃燈禮服出場獻唱《美人計》，比人頭仲要大的 G奶，配合天后強勁舞姿，視覺效果更加立體。
歌衫衫領愈著愈低，加埋 Jolin強勁舞蹈，好動感。
以蔡少芬在《甄嬛傳》的皇后后冠做藍本， Jolin呢件衫鑲有多隻金鳳凰。
向甄嬛傳致敬
Jolin今次開騷相當落本，製作費超過八千二百萬台幣（約二千二百萬港元），她將原本只有三面台的小巨蛋，變身三百六十度都可以睇清睇楚的四面舞台，演唱會前半部「一曲一衫」，三十秒換衫時間，變身上台再變身上台，十分緊湊。
全晚足足換了十三套衫的 Jolin更中了《甄嬛傳》毒，自稱「臣妾」的她，一度打算以清宮妃嬪 look上台，最後因為擔心動作太大 fing甩頭飾而取消。
但 Jolin死心不息，改以飾演「皇后」的蔡少芬頭冠圖案做藍本，設計了一套金色「金鳳朝冠貴妃裙」上台。據知， Jolin一見到設計草圖，即上晒身：「本宮甚是滿意啊！」果然中毒好深。
天后傷勢
跌一跌， Jolin由頭傷到落腳，但依然忍痛完成多個高難度動作。
將小巨蛋改建成四面台，令 Jolin個唱成本大增。
留言列表
