Sammy 21歲　城市大學中國企業管理 Yr.3
Sammy不時要更新區議員辦事處外告示版，讓市民知道最新的資訊和議員活動。

U撈

城大妹　做區議員助理　盡閱社會百態

2012年12月26日 ~~ 第1092期 交易通．搵車快線

每位大專生找兼職除了賺取零用外，亦希望增加社會閱歷，有助將來工作。就讀城市大學中國企業管理系的 Sammy，在 11年開始兼職區議員助理，令沉悶的學習生活增添了不少色彩，盡閱社會百態之餘，同時學懂用心助人及獨立處事，對畢業後找工作，十分受用。

「唔知有咩幫到你，想搵鄺議員？不如同我講吓有咩事，我幫你做個紀錄先，之後議員幫你會更有效率。」 Sammy身為元朗朗屏區鄺俊宇議員的助理，其中一項工作，就是紀錄市民的訴求，並將事件完整紀錄在案。
議員助理可以說是議員的把關人，「每日都會有市民求助，包括屋企滲水、搵工問題及家庭糾紛等，議員冇可能每一個市民都親自接見，而我 哋 嘅主要工作係將每日求助 嘅市民作好分流，方便議員再做適當 嘅安排，咁先有工作效率。」
90後的 Sammy原本對政治冷感，但入大學後卻有新的看法，「本來我對時局冇咩興趣，覺得政治 嚟 嚟去去都係咁，上年成班同學捧 咗我上國事學會 嘅莊，入到去開始留意多 咗時事，𠵱家我覺得每個人都應該表達自己 嘅訴求，絕對唔係抱住差我一個唔多 嘅心態，好似 嚟緊 嘅 1月 1日元旦遊行，我都會參加，出一分力。」

工作勿先入為主

Sammy的主要工作是行政和財務管理，時常要處理一大堆文件。

議員助理可說是看盡社會百態，增加 Sammy不少見識，「上年有日見到屋企樓下有海報話請區議員助理，覺得可以試吓，呢份工令我遇到各式各樣 嘅人，好似低學歷或者專業人士，斯文、橫蠻又有；男女老幼都有可能 嚟求助。有時我都覺有 啲可能係無理取鬧，好似市民想買樓或離婚，我 哋可以提供律師 嘅名單畀佢 哋參考，但唔可以推薦某一位律師，試過有市民發爛渣，點都要我 哋推薦一個，結果要用好多時間 嚟解釋先安撫到佢。不過我 哋唔可以先入為主，每個人都公平對待，唔係市民會對我 哋失去信心。」
Sammy坦言工作需要有投入感，「議員教我哋盡力令每位憂心入 嚟 嘅市民，都可以安心咁行返出去，無論大小事都應該用心咁去做，最常見係 啲公公婆婆講 嘢有好多鄉音或者方言，你要有耐性咁去聽去估，咁先溝通到，幫到佢 哋，如果冇心做會令到自己好躁，對件事一啲幫助都冇。」
雖然區議員是市民求助的重要途徑，但每件事都要重重驗證，「我通常會接到市民對 邨內 嘅投訴，好似外牆滲水咁，聽完市民有關訴求後，我 哋會設法求證，要搵房屋署確認番有冇滲水呢件事，如果唔係就會俾人濫用 咗公眾 嘅資源。」 

工作上， Sammy亦遇過不少難忘事，「有個婆婆 嘅老公 啱 啱過 咗身，而佢 哋 啲仔女 喺大陸想快 啲申請落 嚟香港照顧婆婆，但入境處拖 咗半年都未發到死亡證，婆婆 嚟求助，我就幫手聯絡入境處職員， 3個星期後終於搞掂 咗，之後 喺街上見番婆婆，佢竟然行埋 嚟多謝我，令我知道呢份工真係幫到人，好有成功感。」

負責不定期活動

做兼職最重要是時間分配，尤其關乎市民利益時，「我會預早 1個月通知邊日返得工，大約一星期返 2至 3日，而我會負責多 啲唔需要日日出席 嘅工作，好似舉辦不定期活動、做財務表等；市民個案方面，議員都會分配冇咁緊急同困難 嘅畀我，始終以最有效率幫到市民為先。」議員助理時薪$35， Sammy每月可賺取約$2,500的零用。
出年便畢業的 Sammy，對將來已有打算，「畢業之後我諗會 喺 advertising、 marketing方面發展，話晒都係讀商科，想試吓先。𠵱家份工令我得到好多工作經驗，增加自己 嘅決斷力，可以獨立處理事件，好似要處理上司下屬間 嘅關係，而且有時要做統籌分配工作，絕對冇得推畀人，呢 啲都對我之後搵工好有幫助。」


11年舉行的元朗同心護苗嘉年華， Sammy便擔當義工，與鄺俊宇一起擔任活動司儀，令鄺對她有良好印象，最終聘用了她。


Sammy（右二）修讀的中國企業管理，常到內地考察，圖為她參加了香港品牌內銷協會實習，考察內地公司的營運模式。

鄺俊宇區議員

最初 Sammy面對市民比較公事公辦，可能同佢讀商科有關，不過行政同管理做得幾好。其實做議員助理人情味好緊要，佢慢慢改善緊，𠵱家睇得出佢有同理心，同市民溝通都順利 咗。 

兼職助理好少有

兼職區議員助理並不常見， Sammy成功獲聘，全因她表現出虛心學習的態度，鄺俊宇說︰「區議員助理主流都係請全職，但我會視乎番面試時 嘅表現再決定，好多人面試時都會講自己叻 嘅地方， Sammy反而講自己 嘅不足之處，我覺得佢係個肯學肯做 嘅人。 喺我未決定請佢 嗰陣，佢主動 嚟做義工，幫手做一個活動司儀，令我覺得佢唔怕蝕底，最終決定請佢。」如果想做兼職區議員助理，可留意各區議員辦事處貼出的請人告示。 

撰文：曾志恒
攝影：彭自維
部分圖片由被訪者提供