左起：昌 珉 24歲、允浩 26歲
今年日本排擠韓星，雖然東方神起紅爆日本，但今年紅白同各大台年尾音樂祭都謝絕韓星，好彩 2012年允浩同昌 珉兩位巴打於日本，唔只出碟兼拍廣告，仲喺日本多個城市開足 14場巡迴演唱會，唔怪得喺日本已狂賺 4.4億港元，打低 BIGBANG成日本最賺錢韓星。
韓面
砌低 BIGBANG 東方神起 日本韓星一哥
2012年由年頭到年尾 K-pop組合 non-stop攻港，剛剛先送走連開 3場演唱會的 BIGBANG， 2013年 1月又輪到 K-pop界一哥組合東方神起襲港開騷。
原本 5人走剩允浩同昌 珉兩位巴打的東方神起依然打不死，尤其 2012年唔只於韓國大熱，今年仍於日本繼續出碟、拍廣告，最近靚仔隊友昌 珉更跳入日本電影圈，拍住俊男妻夫木聰演新戲《擁抱黃金飛翔》，一齊打劫銀行食大茶飯。密做搵錢，唔怪得東方神起今年於日本已吸走 4.4億港元成日本最吸金韓星。
神起港騷已於本月 14日開售，至今除最平$680飛已賣清光外，其餘門券依然有飛剩，據稱最貴$1,680飛只剩餘小量門券，有買趁手！
韓國天團東方神起，已落實明年 1月 19日，於亞洲博覽館舉行世界巡迴演唱會《 Catch Me》香港站，今次除了是東方神起首個港騷外，更是海外演出的首站。演唱會門券已於本月 14日公開發售，票價由最平$680至最貴$1,680，但據知最貴$1,680門券至今已賣出 9成，超速去飛。 
昌 珉於新片《擁抱黃金飛翔》中，拍住妻夫木聰及影帝淺野忠信一齊打劫銀行。昌 珉今次拍日本片，佢話開心自己喺日本有市場，但就感覺好大壓力，所以要比平時加倍努力答謝 fans。 
為谷新戲，最近昌 珉孖住主角妻夫木聰一齊登上日本男性時裝雜誌《 MEN'S NON-NO》封面。《 MEN'S NON-NO》一向甚少畀韓國男星登封面，今次昌 珉都算威水。。
拍住影帝騰雞
下年起東方神起將進軍國際巡迴演唱，但今年由年頭到年尾， 2位巴打除穩守韓國本土市場外，更跟以往五為一體時一樣強攻日本，除出版《 Android》等兩張日文細碟外，更一連拍咗《固力菓》等 5個廣告搵真銀。
而靚仔隊員昌 珉，早前更撇甩隊長允浩，拍住俊男影帝妻夫木聰合演日本電影《擁抱黃金飛翔》，戲中昌 珉飾演一名炸彈裝置員，同犯罪集團首腦淺野忠信及妻夫木聰一齊策劃打刧銀行。今次拍日本片仲拍住兩個影帝，昌 珉就話好騰雞：「唱歌我可以好有自信，但拍電影我就好擔心自己演得唔好，尤其拍住兩個演技派前輩妻夫木聰同淺野忠信，更加緊張到手心出汗。」
戲中飾演炸彈專家嘅昌 珉，裝置炸彈前就要爬窗潛入銀行睇環境，睇見都戥佢牙煙。
昌 珉拍戲，而好兄弟允浩最近亦趕拍、於下年 1月 21日出街嘅新韓劇《夜王》，劇中允浩只屬配角，主角其實係秀愛（中）同權相佑（右）。
自爆被女飛
送 AIA K-POP 2013香港演唱會$888門票× 2（名額 1個）
在亞洲具領導地位的友邦保險，將於 2013年 1月 5日，假亞洲國際博覽館 Arena舉行「 AIA K-POP 2013香港演唱會」。獲獎無數的韓國人氣 K-POP組合 BEAST、 4Minute及 A Pink，將於長達兩個多小時的音樂會上演出勁歌熱舞，只演一場。其中 5人女子組合 4Minute的泫雅，在 PSY的〈江南 Style〉中性感熱舞， hit爆全球，香港 fans等住睇女神。
現送出「 AIA K-POP 2013香港演唱會」$888門票 2張及演唱會海報 2張，名額一個。
回答以下問題，將有機會贏得$888門票 2張及演唱會海報 2張。
請問韓國女團 4Minute一共有幾多位成員？
**送禮詳情和細節，請參閱《 FACE》 facebook fanpage，在 fanpage 按 like和分享連結（ share），答啱問題贏門票。 
留言列表
