朱晨麗熊心壯志不執着
港姐出身的朱晨麗早前處女拍劇，沒料被批評得體無完膚，朱朱直言一度接受不來，曾於夜闌人靜時獨個兒呆坐梳化痛哭，圈中朋友不多的她，亦試過向睡伴熊熊公仔訴苦，但她決定堅強跨出去，不再為不快而執着！
2011年港姐冠軍朱晨麗自卸任後受無綫力捧，今年年初安排她處女下海，夥拍馬國明、吳卓羲兩位小生拍攝劇集《名媛望族》，不過非科班出身的她，卻被批評演技幼嫩，有網友更於微博發功痛罵朱朱，令其大感壓力。
朱晨麗童心未泯，愛跟熊公仔訴苦。
難抵爆粗鬧
朱朱直言曾為此而不開心，她眼紅紅表示：「因為我真係為角色努力過，當然知道大家focus多先會有咁多評論，但作為新人，我唔係好識handle，要等自己慢慢成長。（成日睇網上評論？）日日都有好多人講！（邊啲說話令你難受？）佢哋用粗口話我，唔係善意，真係接受唔到，覺得佢哋又唔係好識我，但就一腳踩埋嚟，有啲仲叫我退出唔好再拍劇，又話我真係好樣衰，快啲整容。」由於圈中朋友不多，故連傾訴對象也沒有，朱朱表示會與家中的睡伴熊熊公仔訴苦：「朋友知我屋企人唔喺身邊，就送畀我當係伴，等我唔開心就同熊仔傾偈，同埋我有個習慣，就係出埠都會帶埋佢去。」正所謂有經歷才會成長，朱朱直言不少前輩也不是平步青雲，惟有咬緊牙關走過去，更謂：「我要嘗試去堅強、要放開，有啲嘢係唔使咁認真同執着，試過為呢樣嘢喊過，咪坐喺梳化喊成晚囉！喊完就冇事啦！」
聖誕煮大餐
聖誕將至，單身的朱朱準備與媽咪度過，有意親自下廚煮大餐孝敬她，問到有否異性相約？朱朱害羞地表示：「有追求者，不過都冇約我，其實入行後比較鍾意熱鬧，如果有朋友邀請我去派對，有時間都會去，大家一齊交換禮物都幾開心。（喺浪漫日子會唔會多甜蜜回憶？）都分手兩年啦！以前試過自己煮聖誕大餐，係西餐，第一次亦都係最後一次整，希望將來係人哋整畀我，女仔都係浪漫主義。」
文：影視組
攝影：秦健輝
場地：IFC
服裝：Weekend by MaxMara
化妝：Raymomd Yip
髮型：DY @ Hair Corner
朱晨麗聖誕冇仔約
最近與馬國明傳緋聞的前港姐朱晨麗，參選後機會不斷，更獲安排參演重頭劇《名媛望族》，不過演技備受批評，更遭網友惡意抨擊，她眼紅紅說：「我真係為角色努力過！我知道Focus多先會有咁多評論，但作為新人唔係好識Handle，要等自己慢慢成長。（難受？）佢哋用粗口話我，唔係善意，真係接受唔到。佢哋唔係好識我，但就一腳踩埋嚟，有啲叫我退出唔好再拍劇，又話我樣衰，快啲整容！」
談及聖誕，問到有否男生邀她去派對，她回復笑容並說：「有追求者，不過冇約我，如果有朋友邀請我去派對，有時間都會去。（甜蜜回憶？）都分手兩年啦！以前試過煮聖誕大餐，係最後一次整，希望將來係人哋整畀我。」
為惡意抨擊傷心落淚的朱晨麗，坦言不懂面對。
冇拖拍的朱晨麗，有鹿仔錫番！
留言列表
