傅嘉莉愛貓咪，手抱的長毛美國捲耳貓 Bebe今年七歲；短毛的蘇格蘭褶耳貓 Gebe，今年四歲。
名人家居
傅嘉莉 自作業
自家設計
最近拍完無 綫劇集《衝上雲霄 2》、在劇中與吳卓羲有感情線的傅嘉莉，她買入這個太古城單位兩年多，一年多前才收回自住，繼而進行大裝修，「我喜愛呢個單位因為有八成八實用率，同埋我鍾意間屋所有 嘅窗都係望海，我覺得都幾舒服。不過本身呢間屋 嘅裝修係三十年前 嘅 style，上一手業主係完全冇裝修過就租俾人，所以我拎返 嚟 嘅時候，個情況都幾惡劣。」牆身、地板殘舊可想而知，加上電線、水管全部發霉，重新鋪設是必然的事，最簡單的做法就是找室內設計師重新規劃設計，但傅嘉莉堅持自己搞掂，「雖然我冇讀過設計，但我自己本身都好鍾意設計、鍾意畫畫，始終自己先知自己想點，點樣搞先 啱自己心水。」
她曾與周杰倫拍攝服裝廣告。
在《衝上雲霄 2》中，傅嘉莉與吳卓羲有感情線發展。
由於一個人住，飯廳面積相對較細，橢圓形木餐 枱及餐椅購自 franc franc，約七千元。
訂造的木鞋櫃放了過百對高 踭鞋。
書房放滿 VCD及書籍。
信佛已六年的傅嘉莉，家中放了幅大師寫的字畫。
搵笨
單位裝修了三個多月，回想裝修期間，傅嘉莉坦言辛苦：「 嗰陣時要做 嘢好忙，成日飛 嚟飛去拍廣告，平時做嘢已經好 攰，但係收咗工都要摷資料，參考吓人 哋屋企 嘅裝修，同埋一定要抽時間去材料鋪，又要就番佢 哋 啲時間，因為佢 哋好早收鋪，睇一樣 嘢係睇好耐，但係覺得為 咗自己間屋，就值得。」
選擇適合的牆紙就花了她最多時間，喜歡木傢俬的她想要找一種像真度高的牆紙，「我好鍾意木，本來想用木板去做牆身，但係因為太古城近海，濕氣令木板發霉就有排搞，又驚會擙 嘢出 嚟，同埋我有貓，驚佢哋抓，咁就不如貼牆紙，雖然木紋牆紙好多，但像真度唔高而且又唔自然，所以花 咗好耐時間去搵，呢間日本牆紙價錢會貴少少，牆紙師傅話如果係自己住都抵 嘅，哈哈。」
一個女生東奔西跑為頭家，苦頭當然吃不少，俾人呃是意料中事，「雖然我唔係好有預算窗簾係幾錢，但六條路軌收我萬幾蚊，真係好貴， 嗰陣時覺得好辛酸，俾人呃，呃咁多！又唔知點先可以追番 啲錢，咁 啱我朋友之前都係去 咗呢間整窗簾，又係俾佢搵笨，最後都係我朋友幫我搞掂。」
廚櫃都是她到廚櫃公司親自選購，如何擺位最方便、最實用、顏色等，絕不馬虎。
哈米頓龜是○八年她的唱歌老師介紹她養的。
屋內放有一盤水晶，她笑說：「總之要擺， 啲位 啱唔 啱我都唔知，哈哈。」
賣竇
單位的間隔亦有所改動，正門旁的鞋櫃及位於廚房內的工人房原來是飯廳的位置，為了放置百多對鞋子，於是造了牆身般高度的木鞋櫃，可擺放鞋子之餘，亦可作分隔作用，剩餘的位置則改為工人房，廚房門口亦改到現在的位置。另外，廁所及書房門改窄後，兩邊便騰出了更多空位收納雜物。
雖然悉心打造安樂窩，但早前她已經將單位賣出，「最開心係個買家都鍾意我 嘅設計、色調、間隔同埋個 mood，佢好鍾意我將 啲 嘢收埋晒、睇唔到，佢睇完一次就即刻話買。」傅嘉莉興奮話以呎數計，她的單位算係全棟賣得最好 嘅價錢，「低我兩、三層 嘅單位早我兩、三個禮拜前賣出，但係價錢差好遠。」價錢 啱，買家又欣賞她的設計，一舉兩得。
主人房內設置衣帽間。
二千多元的 B＆O鏡子被她稱為「明星鏡」，「一着燈望到自己就好有自信，哈哈，我又會用呢塊鏡練吓戲。」
木製大床、床頭皮及燈頭射燈均是訂造，約一萬多元。
傅嘉莉每間房都擺放鹽晶燈。
留言列表
