小秀樺活潑四圍走，大劉就一路跟到實。

社交圈

手拖手

2012年12月20日 ~~ 第1189期 香港《壹周刊》

拖手這回事，唔係只發生在情人身上。其實男與男，女與女，或父女都可以拖住手好溫馨。

劉鑾雄　罕有笑容


上週六，十二歲英國小歌后 Connie Talbot在皇室堡舉行新碟發布會，甘比的四歲囡囡劉秀樺上台與 Connie合唱聖誕歌。阿囡有表演，大劉準時三點到達即刻開騷，話之你報館未齊人，唔通要愛女及自己等咩！而大劉全程拖住、跟住女兒，罕有地展露甜蜜笑容。




劉秀樺與 Connie合唱。


囡囡表演，大劉與母親（右二）、胞妹劉玉珍（右一）和甘比齊齊拍爛手掌。

李嘉誠　 Missed Call




香港上市公司商會上週四在會展舉行晚宴，身為商會主席的羅嘉瑞拖住俾人圍的長實主席李嘉誠入場。其間「超人」褲袋傳來電話響聲，佢從褲袋攞出手機（圓圖），礙於被羅生拖實接唔到電話，但就見到佢都係用 iPhone囉！「超人」仲笑眯眯話：「祝大家聖誕快樂！」 

余寶珠　開心輸錢




林建岳母親余寶珠本週日有馬出賽，由新抱林建康太太黃寧艷拖實佢隻手入場。余寶珠的「寶正勁」屬次熱，派 2.9倍，開跑前佢話：「會買五百元全包。」又風趣說：「我邊有錢養咁多隻馬？ 啲仔就有馬。」雖然「寶正勁」三甲不入，但她心情依舊靚爆，一見記者即話：「無喇，輸 咗喇。」 

楊受成　好客之手




英皇集團主席楊受成，上週四在 Ritz-Carlton的 OZONE搞《十二生肖》慈善首映酒會，收益捐保良局。適逢玩具大王蔡志明太太是保良局總理，蔡志明（左）亦帶埋仔女撐場。楊生一見客到，即熱情地捉住蔡志明隻手，拉佢去影相。 

撰文、攝影：名人組

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄