close
大家咁高咁大啫！（設計對白）
你說話？（設計對白）
就算私下唔啱嘴型，余文樂同謝霆鋒人前依然有傾有講。
同你吟一吟
霆鋒妥協拍樂仔
謝霆鋒間後期製作公司 PO朝霆計劃明年上市，雖然早排有傳佢作價八千萬賣公司股份，但據大陸二五講， PO朝霆喺上海同北京嘅分公司，啲電影後期生意接到唔接，霆鋒唔會咁快劏咗呢隻曉生蛋嘅鵝。
咁又係！本身喺中環已經買落唔少鋪位嘅霆鋒，今年再喺擺花街掃多兩個鋪，準備開雲吞麵鋪。做住老闆嚟拍戲，片酬一千萬起跳，錢搵錢，的確唔等錢使，賣股嘅事，上咗市先打算都唔遲。
上星期三（十二月十二日），新戲《特種救援英雄》開鏡，一度傳孭飛嘅霆鋒寧願推咗唔接，都唔願同余文樂合作，最終都俾老闆楊受成搞掂咗，只係原本度俾樂仔啲戲份唔見咗截。
話時話，余文樂部《志明與春嬌》喺大陸差少少就過億，老闆俾錢拍戲，仲要救火戲投資成本高，買多個保險，好啱數！霆鋒樂仔合作，邊個着數啲，根本話唔埋，霆鋒自己打開門口做生意，呢啲數，應該識計。
上香拜神，內地演員胡軍（右一）最 pro！
樂仔由藝能過檔東亞，好快成為公司最賺錢藝人之一，加埋識冧老細，掂。
億億聲續約英皇兼自己話晒事嘅霆鋒，夠膽同老闆楊受成玩駁拳嘅英皇人，應該得佢一個。
雖然香港觀眾唔識，但白冰係公司力捧女星，做新片女主角必然。
全站熱搜
留言列表
