一向受無綫重用的森美和小儀，受商台所累，劇集和飲食節目播畢後，相信要暫別無綫觀眾一段時間。
探熱針
回敬商台炒吳綺莉 無 綫搵森美小儀祭旗
當年人在無 綫，陳志雲擺明車馬唔妥李寶安，卻因「貪污案」搞到一身蟻，權鬥敗陣，要轉戰商台。
各據一方，陳志雲對舊主不再留手，開刀炒無綫親生女吳綺莉，又明撐王維基爭取免費電視牌照，暗批無 綫電視霸權。處處玩針對，李寶安決定反擊，下令禁用商台 DJ，森美、小儀就算一向聽聽話話，一樣無情講。
插無 綫撐維基
森美有份演出的無綫新劇《法網狙擊》剛推出，身為劇中第二男主角，理應力谷；可惜受商台所累，處男作變告別作。
據知，自從陳志雲入主商台，旗下節目不時針對無 綫大做文章，令跟陳志雲早有宿怨的無 綫高層李寶安，非常不滿。
加上主持商台節目《一圈圈》的無綫親生女吳綺莉被炒，之後訪問「香港電視」揸 fit人王維基時，又乘機批評無 綫電視霸權，攻擊不斷，令情況進一步升溫。
「其他時事節目更加唔在講，無 綫喺商台成為眾矢之的；李寶安好緊張，叮囑監製同管理層小心講 嘢，以免再炒熱『電視霸權』呢個話題，唔想再俾機會商台抽水。」無 綫中人透露。
炒我？依家知死喇！
（設計對白）
當年李寶安（右）和陳志雲共事無綫時，已經鬥餐飽，想不到現在各為其主，一樣再鬥過。
森美首部劇集《法網狙擊》本週推出，而小儀的《街坊廚神》，均可能是他們在無綫的告別作。
抽水停不了
新仇加宿怨，一發不可收拾！更何況陳志雲過商台後，抽水行動未停過。
「之前《盛女愛作戰》大熱，陳志雲 hold晒班『盛女』聯絡，連無 綫搵佢 哋宣傳都好困難；最近輪到《走過烽火大地》， DJ雲海開咪插節目內資料有錯，陳志雲愛將梁泰來訪問《烽火》監製，又俾雲海抽水插多轉！」知情者說。
以牙還牙，無綫決定「做嘢」。據了解，有管理層已落令監製不可再用商台 DJ，連一向關係良好的森美和小儀亦受波及。「雖然森美係無 綫合約藝員，但宣傳埋《法網狙擊》後，班監製暫時都唔會再用住，小儀做完《街坊廚神》後亦冇得留低。」
對於無 綫向商台 DJ開刀，小儀坦言聽過有關傳聞。「不過我仲拍緊《街坊廚神》，要到一月尾先拍完，暫時冇人同我講唔搵我拍 TVB嘢。」
至於森美則強調自己的情況與其他商台 DJ不同。「我本身係自由身，既係無 綫合約藝員，亦係商台合約 DJ，但唔係商台職員，同其他 DJ有區別，飲水思源，商台幫 咗我好多；但無 綫都俾 咗好多機會我，將來應該會有節目合作 嘅！」森美面面俱圓，風頭火勢，務求淡化事件。
森美初次拍無綫劇，便可以做第二男主角，跟謝天華、楊怡鬥演技。
為處男作打響頭炮，森美不但犧牲色相，出席宣傳活動時還大開金口。
商台抽水有前科，先有陳志雲借《盛女》過橋造勢，用完即棄，今次則借《烽火》大做文章，搞到無綫高層谷到一肚火。
踩過界
過往俞琤主政商台，與無 綫關係良好，旗下 DJ不時亮相無 綫助催谷知名度，尤其森美和小儀更備受無 綫重用。
森美小儀
二人主持的《千奇百趣》年年添食，收視高企。去年小儀改為夥拍金剛主持《街坊廚神》，今年亦 encore。此外，小儀間中客串演出劇集，森美更首次拍劇便做第二男主角。 
I Love You Boyz
當奴及少爺占自 04年起經常亮相無 綫， 06年為日本節目《阿笨與阿占》配音， 10年再和鄭裕玲合作主持遊戲節目《逐格鬥》。 
余宜發
商台深宵音樂節目主持人，簽約無 綫多年，曾主持無 綫收費台音樂節目，早前更為特備節目《回鄉》任旁白。 
留言列表
